Mateo 24:3 - Cofán: Chiga Tevaen'jen

³ Olivo ccotta'cconi japa Jesús tisuyi dyaisi tisema shondosundeccu catsepa a'tutsse iñajampaña'fa: —Chigáne inginga condaja ¿minga'ni tsu que suqquia'caen tsoña'cho? ¿Jongoesuma attepa gi que na'suve dapa jiña'chove atesu'faya? ¿Jongoesuma attepa gi osefaeña'cho a'ta napiji'chove atesu'faya?

Mateo 24:3 ပူးပေါင်းရင်းမြစ်များ

Mateo 13:36

Tsomba Jesús a'i bo'fa'choma catipa tsaoni ja. Jasi tisema shondosundeccu tisenga jipa su'fa: —Ancco'sima nasipanga jon'cho condase'choma inginga a'tatsse condaja.

Mateo 13:49

Tsa'caen tsu osefaeña'cho a'ta. Chigama sefacconi'su shondosundeccu tsu ja'fa Chigambe ño'andeccuma boñamba egae tsinconsundeccuma attufaeñe.

Mateo 15:12

Omboe tisema shondosundeccu tisenga jipa su'fa: —¿Atesu ti qui que tsa'caen susi fariseondeccu quema iyicca'ye'choma?

Mateo 16:27

Ñajan Sefaccone Ji'cho A'i joccapitssia've dapa ccase jiya. Chiga ña Quitsaja ñama ñotssiave canjaensi Chigama sefacconi'su shondosundeccui'ccu jipa gi attiaña. Ñajan tsa'caen attiamba a'i tsonqquia'caen poiyi'cco a'inga afeya. Ñotsse tso'ninda ñotssiama gi afeya. Ega tso'ninda egama gi afeya.

Mateo 16:28

Ñoa'me gi que'inga su: Majan que'i'suja toya pambi'te qui Sefaccone Ji'cho A'i na'suve dapa jiya'choma atte'faya.

Mateo 17:19

Omboe Jesús tisuyi can'jensi tisema shondosundeccu catsepa iñajampaña'fa: —Ingija ¿micomba gi cocoyama joqquitssiañe osha'fambi?

Mateo 21:1

Jerusaléni ca'tsa napijipa Betfagéni napi'fa. Tsaja Olivo ccotta'cco pporotssi. Tseni napipa Jesúsja dos tisema shondosundeccuma manda

Mateo 24:27

Nane Sefaccone Ji'cho A'i ñoa'me jiya'cho tsu qquen: Tsanda chiga sombo'jene chiga amppi'jeni'qque veyaensi atteqquia'caen tsu Cristo jisi poiyi'cco a'i tisema fae'ngatsse atte'faya.

Mateo 24:30

Tsa'caen tson'jen'ni tsu Sefaccone Ji'cho A'i jiña'chove canjaen'choja attiaña. Tsa'caen sefaccone attiansi poi ande'su aindeccu attepa i'na'faya. Nane Sefaccone Ji'cho A'i sefacconi'su unjimba'cco'ye dyai jiñasi poiyi'cco tsu tisema atte'faya. Ñoa'me joccapitssia a'tatssiai'ccu jiñamba

Mateo 24:37

Tayopi'su Noé can'jeinte tsinconqquia'caen tsu ña ccase jiqui tson'faya.

Mateo 24:39

Tsa'caen atesumbe injanga canse'fa'ni na'en jipa poiyi'ccoma tsangae picco cati. Tsa'caen tsu a'ija Chigave in'jambe injanga canse'faya ña Sefaccone Ji'cho A'i jiya'ngae.

Mateo 24:43

Ñotsse in'jan'faja: Tsa'o na'suja ccanamba mi'getssi horani cose jiya'chove atesu'choecan'da ñoa'me tsu bittapa caña'jeñe'can tise tsa'o'suma cca'nasa'ne.

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Lucas 21:7

Tsonsi tisema iñajampaña'fa: —Atesian'su, ¿minga'ni tsu tsa'caen daya? ¿Jongoesu canjaen'choma attepa gi tsa'caen daya'chove atesu'faya?

Tson'fa'cho 1:7

Tsonsi Jesúsja su: —Chigaja anttembi que'i atesuye maqui a'ta ni minga'ni tsu tsa'caen napiya'chove. Nane Chiga Quitsayi tsu tsa'caen mandapa atesu mingani tsa'caen napiya'choma.

Hebreo'su 9:26

Tsa'cambiecan'da, ñoa'me tsu tiseja va andeve agattointene pa'ñaccapa vanañe'can tsa'caen poiyi'cco tayopi'su a'i egae tsincon'choma'qque joqquitssiañe. Tsa'ma ingi atesuqquia'caen ja'ño Chiga tayo'su a'i'ccu injancco'fa'cho naningesi Cristoja fae seyi a'ive dapa pa a'i egae tsincon'choma nanitsse tsangae joqquitssiañe.