Mateo 23:8 - Cofán: Chiga Tevaen'jen

⁸ Tsa'ma que'ija tsa'caen afaye'faya'bi qui. Tsa'caen tson'fajama a'i que'ima “injama'pa atesian'su” qquen afa'faye. Que'ija poiyi'cco faengasundeccu qui. Fae injama'pa atesian'suve qui an'bian'fa. Tsaja Cristo tsu.

Mateo 23:8 ပူးပေါင်းရင်းမြစ်များ

Mateo 10:25

Tsa'ma atesian'su vanaqquia'caen tsu shondo'su'qque vanaña'cho. Na'su vanaqquia'caen tsu sema'su'qque vanaña'cho. Nane ña gi tsa'o na'su. Ñama “Cocoya na'su Beelzebú tsu” qquen afasepa ña aindeccuma'qque ti'tsse tsu tsa'caen afase'faya.

Mateo 17:5

Pedro toya afa'je'ni unjimba tototssia ccuttopa'sia'caen tise'pama picco. Tsonsi ccuttopa'si'ye aya'faja su: —Vaja ña in'jan'cho Dutssi'ye. Tisema gi ñotsse in'jan. Tisema paña'faja.

Mateo 23:10

Ni que'imajan “na'su” qquen afa'faya'bi. Fae'cco tsu que'i na'su. Tsaja Cristo tsu.

Mateo 23:7

Toya'caen canqque tsaiqui'ye jacan'fasi cca'indeccu tise'pama ñotsse in'jamba chigambian'faye in'jan'fa. Nane ñotsse in'jamba tise'pama “injama'pa atesian'su” qquen chigambiañe tsu in'jan'fa.

Mateo 26:25

Tsonsi Judas, Jesúsma afeya'choja su: —Atesian'su, ¿ñambi ti gi? Jesúsja su: —Ju, que qui.

Mateo 26:49

Tsa'caen toeni supa Judas jipa tse'faei'ccuyi Jesúsnga catsepa su: —¿Vani ti qui can'jen, na'su? Qquen supa Jesúsma mocha.

Marcos 10:51

Tise catsesi Jesúsja iñajampaña: —¿Jongoesuve ña tsoñe qui in'jan? Tsonsi binijan su: —Na'su, atte'jeye gi in'jan.

Marcos 11:21

Attepa Pedroja Jesús su'choma in'jamba tisenga su: —Atesian'su, que canjan, que iyu'upa susi ¡higuera'jin tayo samba!

Marcos 14:45

Tsa'caen su'chopa Judasja Jesúsnga ji catsepa su: —¡Atesian'su! Qquen supa mocha.

Marcos 9:5

Tsama attepa Pedroja Jesúsma su: —Atesian'su, ñotsse gi vani can'jen'fa. Tsao'ña'faya gi tres tsa'ocho'ccoe –fae'cco quembe, faesuja Moisésmbe, faesuja Elíasmbe.

Lucas 22:32

Tsa'ma ñajan quene gi Chigama iñajan que ñame in'jan'choma qquesa'ne. Vana'jen'cho panshansi ccushapa que faengasundeccuma'qque quiñaenjan.

Juan 1:38

Tsa'caen jayi'fasi Jesúsja piyicamba ingima attepa su: —¿Jongoesuve qui ttatta'je'fa? Ingija su'fa: —Rabbí, ¿mani qui can'jen? (Rabbí tsu atesian'su qquen su'cho.)

Juan 1:49

Natanaelja pañamba su: —Atesian'su, que qui Chiga Dutssi'ye. Que qui israe Na'su.

Juan 11:8

Tsonsi ingija su'fa: —Atesian'su, voeyi tsu tseni'su israendeccuja patui'ccu quema fi'ttiye in'jan'fa. Tse'an qui ccase jaye in'jan.

Juan 20:16

Tsonsi Jesúsja su: —¡María! Maríaja piyipa hevreo aya'fangae su: —¡Ravoni! —atesian'su qquen su'cho.

Juan 3:2

Cose Nicodemojan Jesúsni can'su jipa su: —Atesian'su, atesu'fa gi queja ñoa'me Chiga moen'cho atesian'su qui. Majañi'qque quia'caen canjaen'choma canjaeñe oshambi Chiga tisei'ccu can'jembian'da.

Juan 3:26

Condaseccopa Juanga japa su'fa: —Atesian'su, Jordán na'en jonifani quei'ccu jacan'su, tsa Jesús, “Cristo” qquen que su'cho, tsa tsu jipa a'ima feti'je. Nane poiyi'cco tsu tisenga bo'fa.

Juan 4:31

Toya jiña'fa'ni ingija Jesúsma su'fa: —Atesian'su, anjan.

Juan 6:25

Jonifani isepa Jesúsma attepa iñajampaña'fa: —Atesian'su, ¿minga'ni qui vani ji?

Juan 9:2

Ingija Jesúsma iñajampaña'fa: —Atesian'su, ¿micomba tsu binime va a'imajan isu'cho? ¿Tise yaya, tise mama egae tsincomba ti? Tsambi'ta ¿tisu egae jinchopa ti?

2 Corinto'su 1:24

Que'i na'sumbi gi que'i ma'caen in'jan'chove mandaye. Nane tayo qui tansintsse Jesúsve in'jamba canse'fa. Tsa'cansi fae'ngae que'i'ccu semamba fuiteye gi in'jan'fa que'i ti'tsse avujatssi'faye.

2 Corinto'su 4:5

Ingija tisune condase'fambi gi. Tsa'ma Jesucristo ingi Na'sune gi condase'fa. Ingija que'ima fuitesundeccu gi. Nane Jesús ingima ccushaensi avujatsse gi que'ima fuite'fa.

Efeso'su 3:15

Poiyi'cco gi Chigambe'fa. Majanjan sefacconi can'jen'fa; majanjan va andeni can'jen'fa. Tsa'ma poiyi'cco gi Chigambe'fa.

Filemónga 1:16

Aqquia sema'suveyi me'i. Tsa'ma ja'ñojan in'jan'cho faenga'suve qui tisema an'biaña. Ñajan tisema ñotsse in'jan. Tsa'ma quema tsu tiseja ñoa'me ti'tsse injancho. Nane aqquia que sema'su a'imbipa ja'ñojan Na'su Cristove in'jamba que faenga'su tsu.

Santiago 3:1

Ña faenga'su Cristove in'jan'chondeccu, poiyi'cco que'i'su atesiansundeccuve da'fajama. Tayo qui atesu'fa Chigaja a'i injama'choma somboemba ti'tsse tsu ingima iñajampañamba iyu'uya majan ñotsse atesiambi'choane.

1 Pedro 5:3

Nane na'sia'caen osha'choma mandaye in'jamba ca'ni'fajama. Tsa'ma ñotsse cansepa poiyi'ccoma canjaen'faja ma'caen canse'faya'chove.

Canjaen'cho 1:9

Ña, Juan, gi que'i faenga'su Jesúsve in'jan'cho, fae'ngae que'i'ccu vana'jen. Chiga Aya'fama candusiamba gi Jesúsne poiyi'cconga conda. Tsa'caen condasi tsu nasundeccu ñama indipa vani picco, Patmos anttepo'choni.

Canjaen'cho 19:10

Tsonsi gi puntssamba afa'sumbe tsutteccofanga ccarupa dyai tisema ñotsse afaye. Tsa'ma tiseja ñama su: —Tsa'caen tsonjama. Que, que faenga'su Jesúsma pañamba in'jan'chondeccu'qque Chigambe semasundeccu qui. Ña'qque quei'ccu fae'ngae Chigambe sema'su gi. Chiganga ccarupa ñotsse afaja. Nane poiyi'cco majan Jesúsve in'jamba tansintsse condase'ta ñoa'me Chigane afasundeccu tsu.

Canjaen'cho 22:9

Tsa'ma ccaru dyaisi tsu ñama su: —Tsa'caen tsonjama. Que'i'ccu fae'ngae gi Chigambe sema'su. Nane que, que faenga'su Chiga Aya'fama afasundeccu, poiyi'cco va tevaen'choma camba in'jan'chondeccu'qque ñai'ccu fae'ngae Chigambe semasundeccu tsu. Nane Chiga Quitsaveyi in'jamba Tisenga ccarupa ñotsse afaja.