Mateo 22:35 - Cofán: Chiga Tevaen'jen

³⁵ Bopa fa'eja Chiga Aya'fama atesian'supa Jesúsnga ji. Jipa aya'fai'ccu Jesúsma qqueñañe in'jamba iñajampaña:

Mateo 22:35 ပူးပေါင်းရင်းမြစ်များ

Mateo 22:18

Tsa'caen Jesúsma qqueñañe iñajampañasi Jesúsja tise'pa egae in'jan'choma in'jamba qquen tise'pama su: —Que'ija ño'ame attianqquia'caen afopoensundeccu qui. ¿Jongoesie qui ñama qqueñañe in'jamba ya'caenjan iñajampaña'fa?

Mateo 22:36

—Atesian'su, ¿majan Chiga manda'cho tsu ti'tsse'tssia?

Marcos 10:2

Tsa'caen tson'jen'ni majan fariseondeccu Jesúsnga catse'fa. Tisema qqueñañe in'jamba qquen iñajampaña'fa: —¿Ñotssi ti tsa'ndu tise pushema catiye?

Lucas 11:52

¡Vana'faya qui manda'choma atesu'chondeccu! Que'ija tansintssia Chiga Aya'fama atesupa se'pi'fa cca'indeccu paña'sa'ne. Tansintsse su'choma atesu'ma qui tsama chi'ga'fa. Cca'indeccu atesuye in'jan'ninda qui se'pi'fa.

Lucas 14:3

Jesúsja Chiga Aya'fama atesu'chondeccuma, fariseondeccuma'qque su: —¿Chiga manda'chota ti se'pi sema'ma'qquia a'ta a'ima ccushaeñe'ja? Tsambi'ta ¿se'pimbi ti?

Lucas 7:30

Tsa'ma fariseondeccu, Chiga manda'choma atesu'chondeccu'qque Juanga fetiyembipa Chiga tsa'caen tise'pama ccushaeña'choma chi'ga'fa.

Juan 8:6

Tise'paja tsa'caen su'fa Jesúsma qqueñañe in'jamba tise jongoe qquen su'nijan tsai'ccu afopoeñe. Tsonsi Jesúsja puntssamba andenga tivei'ccu tevavaen dyai.

Titonga 3:13

Osha'chone ma'caen osha'ta manda'choma atesu'cho Zenas, Apolosma'qque fuiteja. Tsendeccu jayi'nijan osha'choma afepa camoenjan cuintsu shaca mecho ja'faye.