Mateo 21:16 - Cofán: Chiga Tevaen'jen

¹⁶ Jesúsma su'fa: —¿Pañambi ti qui tise'pa su'chomajan? Jesús tise'pama su: —Ju, paña. Tsa'ma paña'fambi ti qui Chiga Aya'fa tsane qquen su'choma: Que anttesi dushunaccu, nane toya chocho'jendeccu'qque quema tansintsse ñotsse settapoen'fa.

Mateo 21:16 ပူးပေါင်းရင်းမြစ်များ

Salmos 8:2

Que anttesi tsu dushunaccu, nane toya chocho'jendeccu'qque quema avujatsse afa'fa. Tsa avujatsse afa'choi'ccu qui quema afasesundeccuma patsu. Nane sundaro ttuccunga ca'ni'masia've ñoñaqquia'caen qui quema chigasundeccuma patsu.

Mateo 11:25

Tse'i Jesús Chiga Quitsama qquen iñajan: —Yaya Chiga Quitsa, Que qui Sefacconi'su Na'su. Pa'cco ande'su Na'su qui. Va ande'su injama'pandeqquianga qui Tisuma canjaembi. Tsa'ma injama'pandeqquianga Tisuma canjaembipa qui va du'shiacandeqquianga Tisuma canjaen. Nane ñotssia du'shu pañaqquia'caen tise'paja ñotsse pañamba in'jan'fa.

Mateo 12:3

Tsa'ma Jesús tise'pama su: —¿Can'fambi ti qui Chiga Aya'fani ma'caen tayopi'su David tson'choma? Tiseja, tisei'ccu jacansundeccu'qque qquipoe'su'fa.

Mateo 19:4

Jesús ccane'qque tise'pama iñajampaña: —¿Attembi ti qui Chiga Tevaen'jen qquen su'choma: “Me'ttia'ye tsu Agattoen'su Chigaja a'ima agattoen. Tsandie, pushesuve'qque tsu agattoen.”?

Mateo 22:31

Tsa'ma pa'chondeccu ccase qquendyaya'chone, ¿can'fambi ti qui Chiga tayopi que'inga su'choma? Nane Chigaja que'ima su:

Marcos 13:17

Va'cha pushesundeccuja majan suri, majan du'shuma chochoen'jen'cho'qque. Tsequi a'ta tsu vana'faya.

Marcos 2:25

Tsa'ma tiseja su: —¿Can'fambi ti qui Chiga Aya'fangae tayopi'su David tson'choma? Tiseja tisei'ccu jacansundeccu'qque qquipoe'su'fa.

Lucas 21:23

Va'cha pushesundeccuja majan suri'je'cho. Majan du'shuma chochoen'jendeccu tsequi a'ta tsu vana'faya. Nane poi andeni'su aindeccu vana'jen'fasi Chigaja israendeccuma iyicca'yepa tise'pa injama'choma somboeña.