Mateo 21:12 - Cofán: Chiga Tevaen'jen

¹² Tsomba tse'i Jesús Chiga ettinga ca'nimba tse'ttini chavaensundeccuma atte. Chavasundeccu'qque tseni jipa chava'je'fa. Tsendeccuma attepa poiyi'ccoma tteya maña. Toya'caen corifin'dima cambiansundeccu tseni can'jensi Jesús tise'pa corifin'di mesama ccofetta amppian. Ppuppuju'choma chavaensundeccumbe dyaipa'choma'qque ccofetta amppian.

Mateo 21:12 ပူးပေါင်းရင်းမြစ်များ

Levítico 12:6

“Pushesuja tsa'caen tsandie du'shuve, tsambi'ta pushesu du'shuve isu'ta tsu asettupa oti'shiya'cho nepisi oveja du'shuma Chigai'ccu cachuicco'je'tti'su sombo'ttinga angapa afeya'cho. Nane oveja du'shu fae canqque'fave an'bian'choma tsu afeya'cho Chiganga oque oraeña'chove. Toya'caen tsu ppuppuju'choma, tsambi'ta manambema tise egae tsincon'chone afeya'cho. Nane Chigama afa'sunga afesi

Levítico 12:8

Tsa'ma chan oveja du'shuma chavaye oshambi'ta tsu dos ppuppuju'choma, tsambi'ta dos manambema ipa afeya'cho. Afesi fae'ccoma Chiganga oque oraeña'cho, faesumajan egae tsincon'choma pasaeña'chove afaya'cho. Tsa'caen afesi Chigama afa'su isupa Chigama afasi pushesuja giya'tsse ccushaya.

Marcos 11:11

Jesús tsa'caen Jerusaléni ca'nimba Chiga ettinga ca'ni. Ca'nimba pa'tssi osha'choma camba sombopa Betaniani ja. Nane tayo simesi tisema shondosundeccui'ccu tseni ja'fa.

Lucas 2:24

Toya'caen Na'su Chiga manda'cho tsu manda dos ppuppuju'choma, tsambi'ta dos manambema Chiganga afeye. Tsa'caen manda'chosi María, José tsama afeye ji'fa.

Juan 2:13

Ingi israendeccu Chiga panshaen'cho injienge'cho fiesta pan napijisi Jesúsja Jerusaléni ja.