Mateo 21:11 - Cofán: Chiga Tevaen'jen

¹¹ Cca'indeccuja su'fa: —Vaja Chiga Aya'fama afa'su Jesús tsu. Galilea ande'su Nasaret canqque'su Chiga Aya'fama afa'su tsu.

Mateo 21:11 ပူးပေါင်းရင်းမြစ်များ

Mateo 2:23

Nane Nasaret canqqueni japa can'jen'fa. Tse'tti can'jemba tsu tayopi'su Chiga aya'fama afa'su suqquia'caen tson. “Tiseja Nasareno tsu” qquen tsu tayópija su.

Mateo 21:10

Tsonsi Jesús Jerusaléni ca'nisi poiyi'cco a'i attepa asi'ttaen'fa. Tsa'caen asi'ttaemba tsain'bio a'i qquen iñajampaña'fa: —¿Majan tsu va?

Mateo 21:26

Tsa'ma: “A'i mandasi feti'cho” qquen su'ninda, poiyi'cco a'i iyicca'yesi gi dyo'faya. Ñoa'me poiyi'cco a'i tsu Juanjan Chiga Aya'fama afa'su qquen in'jan'fa.

Mateo 21:46

Tsa'caen in'jamba Jesúsma indipa piccoye in'jan'ma dyopa antte aindeccu tise'pama iyicca'yesa'ne dyojopa. Nane poiyi'cco a'i tsu Jesúsja Chiga Aya'fama afa'su qquen in'jan'fa.

Marcos 6:15

Cca'indeccuja su'fa: —Tayopi Chiga Aya'fama afa'su Elías tsu. Toya'caen cca'indeccuja su'fa: —Faesu Chiga Aya'fama afa'su tsu, tayopi Chiga Aya'fama afasundeqquia'can.

Lucas 13:33

Tsa'ma que'inga gi su: Ja'ño a'ta, tu'i, tui've'qque gi dyombi'tsse jacaña'cho. Nane Chiga Aya'fama afa'su Jerusaléni can'jembian'da ¿ma'caen tsu tisema fi'tti'faya?

Lucas 24:19

Tsonsi Jesús tise'pama su: —¿Jongoesuma tsu tson'fa? Tsonsi tisenga conda'fa: —Jesús Nasarenoma tson'cho tsu. Tiseja Chiga Aya'fama afa'su. Osha'cho ñotssiave atesiamba osha'cho ñotssiave tson. Chiga tisei'ccu can'jensi poiyi'cco a'i tise've in'jan'fa.

Lucas 7:16

Poiyi'cco a'i tsama attepa ñoa'me dyo'fa. Tsa'ma Chigama ñotsse afapa su'fa: —Joccapitssia Chiga Aya'fama afa'su tsu inginga attian. Toya'caen tsu su'fa: —Chigaja Tise aindeccuma in'jamba fuiteye ji.

Lucas 7:39

Pushesu tsa'caen tsonsi Jesúsma ttuse'su fariseoja attepa tisu injama'choni asi'ttaen: “Va a'ija ñoa'me Chiga Aya'fa afa'suta tsu tisema pporaen'su pushesuma atesuya. Nane pushesu ma'caen egae tsincon'choma tsu atesuya.”

Juan 1:21

Qquen susi iñajampaña'fa: —Tsambi'ta ¿majan qui queja? ¿Que ti qui Chiga Aya'fama afa'su Elías? Juanjan su: —Tsambi gi. Omboe iñajampaña'fa: —¿Que ti qui ingi ronda'je'cho Chiga Aya'fama afa'su? Ccase tsu Juanjan su: —Me'i.

Juan 1:25

qquen iñajampaña'fa: —Tsa'caen Cristombi'ta ni Elíasmbi'ta ni ingi ronda'je'cho Chiga Aya'fama afa'sumbi'ta, ¿jongoesie qui feti'je?

Juan 4:19

Tsa'caen susi pañamba pushesuja su: —Na'su, queja ñoa'me Chiga Aya'fama afa'su qquen gi in'jan.

Juan 6:14

Tsonsi a'ija Jesús va canjaen'choma attepa su'fa: —Ñoa'me tsu va a'ija Chiga Aya'fama afa'su jiya'cho qquen su'cho.

Juan 7:40

Vama pañamba majan aindeccuja su'fa: —Ñoa'me tsu va a'ija Chiga Aya'fama afa'su jiya'cho.

Juan 9:17

Tsomba ccase tayoe binima iñajampaña'fa: —Queja ¿jongoe qquen qui suya que tso'fema ccushaen'sumajan? Tiseja su: —Chiga Aya'fama afa'su tsu.

Tson'fa'cho 7:37

Tsa Moisésyi tsu israendeccunga su: “Chiga Quitsaja ñama'caeñi faesu Chiga Aya'fa afa'suma que'inga moeñe tson'jen que'i antian'suveyi. Tsama paña'faja.”