Mateo 20:21 - Cofán: Chiga Tevaen'jen

²¹ Iñajañe tson'jensi Jesúsja tisema iñajampaña: —¿Jongoesuve qui in'jan? Tiseja su: —Queja ande na'suve dapa chigáne antteja cuintsu va ña dos dutssiyendeccu ti'tsse joccapitssia nasundeccuve dapa que tansinfanga, que pavefanga pporotsse dyaipa manda'faye.

Mateo 20:21 ပူးပေါင်းရင်းမြစ်များ

1 Reyes 3:5

Fae cose Salomón Gabaóni can'jemba ayo'osi Na'su Chiga tisenga attiamba su: “Jongoesuve in'jan'da ñama iñajanjan. Ña gi afeya.”

Salmos 110:1

Na'su Chigaja ña na'sunga su: “Ñai'ccu fae'ngae na'suve dapa va'ttinga dyaija ña tansinfanga ña quema iyiccayesundeccuma patsusi que tsu'tte tsosiccunga ccuiqquia'caen oshambipa quema paña'faya'ngae.”

Mateo 18:1

Tse'i Jesúsma shondosundeccu tisenga catsepa su'fa: —Chigama na'sian'cho a'ive dapa can'jemba ¿majan tsu ti'tsse'tssia've daya?

Mateo 19:28

Qquen susi Jesús su: —Ñoa'me gi su: Jai'ngae osha'cho cuname dasi Sefaccone Ji'cho A'i tise ñotssia dyaipa'chonga dyaipa manda'nijan que'i'qque doce dyaipa'chonga dyaipa doce israendeccu'su aindeccuma manda'faya.

Mateo 20:22

Qquen iñajansi Jesús tsendeccuma su: —Que'i tsa'caen iñajamba atesu'fambi qui jongoesuve tisu iñajan'choma. ¿Osha'fa ti qui ña cui'ccuma cu'iqquia'caen vana'faye? ¿Osha'fa ti qui ña fetiye'chonga fetiyeqquia'caen vana'faye? Tise'paja su'fa: —Ju, osha'fa gi.

Mateo 20:32

Tsonsi Jesús já ccutsupa tise'pama ttu'se. Ttu'sepa iñajampaña: —¿Jongoesuve que'inga tsoñe qui in'jan'fa?

Marcos 10:51

Tise catsesi Jesúsja iñajampaña: —¿Jongoesuve ña tsoñe qui in'jan? Tsonsi binijan su: —Na'su, atte'jeye gi in'jan.

Marcos 16:19

Pan tsa'caen afa nanimba Na'su Jesúsja Chiga sefacconi ansunde. Ansundepa ñoa'me na'suve dapa Chiga tansinfanga dyai.

Marcos 6:22

Tsa'caen ofian'jen'ni Herodías onque'nge ca'nimba boirasi Herodes, pa'o tisei'ccu dyaisundeccu avuja'fa. Na'su Herodes avujapa pushesunga su: —Jongoesuve in'jamba iñajan'ninda gi afeya.

Lucas 18:41

—¿Jongoesuve ña quenga tsoñe qui in'jan? Binijan su: —Na'su, atteye gi in'jan.

Lucas 19:11

Jesús Jerusaléni pan napijisi a'i tisema pañamba junde Chigaja Jesúsma na'suve tsoña qquen in'jan'fa. Tsa'caen in'jan'fasi Jesúsja va condase'choma condase.

Lucas 22:24

Toya'caen tsu afacco'fa majan tise'pa'su ti'tsse joccapitssia.

Juan 15:7

Tsa'ma que'ija ñai'ccu jinchopa, ña aya'fama ñotsse paña'da ñama iñajan'faja osha'cho jongoesuve in'jan'da. Tsa'caen gi que'inga tsoña.

Tson'fa'cho 1:6

Tsonsi poiyi'cco a'i Jesúsnga bopa iñajampaña'fa: —Na'su, ¿ja'ñonda ti qui ccase afeya israendeccunga na'su quini'ccopa'ma?

Romanos 12:10

Antiama in'janqquia'caen tisupapora ñotsse injancco'faja. Tisupapora tisuma bove ñotssi qquen in'jamba tisema ñotsse afa'faja.

Romanos 8:34

¿Nane majan tsu ingima qquen suye oshaya: “Toya qui egae tsincomba shacapa'fa”? Me'i'on tsu. Tayo tsu Jesucristoja pa ingi egae tsincon'chone. Papa qquendyapa ja'ño Chigai'ccu mandapa ingine Chigama iñajan'jen.

Colosa'su 3:1

Cristoja sefacconi can'jemba Chiga tansinfani fae'ngae manda'je. Tsa'cansi que'ija fae'ngae Cristoi'ccu ccase qquendya'ta sefacconi'su jincho'chove ttatta'faja.