Mateo 20:16 - Cofán: Chiga Tevaen'jen

¹⁶ Nane omboe jisundeccu tsu o'tien'suve da'faya. O'tie jisundeccu tsu omba'suve da'faya.

Mateo 20:16 ပူးပေါင်းရင်းမြစ်များ

Mateo 19:30

Tsa'ma tsain'bio majan ja'ño joccapitssiandeccu utu'ccoe tsu da'faya. Toya'caen tsain'bio ja'ño utu'ccoandeqquia tsequi a'ta joccapitssia've tsu da'faya.

Mateo 21:31

Tsa dos dutssi'ye, ¿majan tsu tise yaya in'janqquia'caen tson? Pañasundeccuja su'fa: —Otien'su. Tsonsi Jesúsja su: —Ñoa'me gi su, govierno impuestoma isusundeccu, tisu ai'voi'ccu gana'su pushesundeccu'qque que'ima o'tie tsu Chigama na'sian'cho a'ive da'faya.

Mateo 22:14

Tsain'bio a'i tsu ttu'se'chondeccu. Tsa'ma pañamba in'jan'chondeccuja tsain'biombi tsu.

Mateo 7:13

Aiye'pambi tsu tsangae catiyeya'chove jaye. Attajatssia sombo'tti'ye ca'niqquia'caen chonde'tssia tsaiquipa aiye'pambi tsu jacañe. Tsain'bio a'i tsangae ca'nimba jacan'fa. Tsa'ma aiye'pa tsu tsangae canseya'chove jaye. Ta'yoquiccoa sombo'tti'ye ca'niqquia'caen vanamba tsu tsa tsaiqui'ye jacaña'cho. Re'ricco a'i tsu tsangaé jaya'chove atte'fa. Tsa'ma que'ija tsa ta'yoquiccoa sombo'tti'ye ca'ni'faja.

Marcos 10:31

Nane tsain'bio majan ja'ño joccapitssiandeccuja utu'ccoe tsu da'faya. Toya'caen tsain'bio majan ja'ño utu'ccoandeqquiaja tsequi a'ta joccapitssia've tsu da'faya.

Lucas 14:24

Ñoa'me tsu o'tie ttuseye'chondeccuja ña aña'choma an'faya'bi.”

Lucas 15:7

Ñoa'me gi su tsa'caen tsu Chiga sefacconi. Nane noventa y nueve ño'andeccu egae tsincon'chove mecho'fasi Chiga sefacconisundeccu tise'pai'ccu avujatssipa fae'cco egae tsincon'su tise egae tsincon'choma chi'gapa antte'ninda ti'tsse tsu avujatssi'fa.

Lucas 7:47

Tsa'cansi gi quema su: Tsa pushesuja tsain'bitsse egae tsincon'chopa pa'ccoma joqquitssiangepa ñame ñotsse in'jan. Tsa'ma majan a'i re'riccoe egae tsincon qquen in'jamba re'riccoe joqquitssiangepa aqquia re'riccoe ñame in'jan.

Romanos 5:20

Tsonsi Chigaja Tise manda'choma condase cuintsu aindeccu tise'pa egae tsincon'choja ti'tsse ega qquen in'jan'faye. Tsa'ma tsa'caen in'ja'an'qque ti'tsse egae tsincon'fasi Chigaja a'ima ti'tsse mende'yepa ccushaen.

Romanos 8:30

Majama tsa'caen meinte in'jamba Tiseja ttu'se. Majama tsa'caen ttu'sepa antte cuintsu ño'ame da'faye. Majan tsa'caen ño'ame dasi Chigaja tsendeccuma ti'tsse'tssia've tson.

Romanos 9:30

Tsonsi ¿jongoe qquen gi su'faya? Israembindeqquiaja Chigama tta'ttambipa ni osha'choma tson'fambi ño'ame daye. Tsa'ma Chigaja tsendeccuma ño'ame tson. Nane Jesucristove in'jamba tsu ño'ame da'fa.

1 Tesalónica'su 2:13

Ingi Chiga Aya'fama condasesi que'ija aqquia a'i aya'fambi qquen atesupa ñoa'me Chiga Aya'fa tsu qquen in'jamba paña'fa. Tsaja ñoa'me Chiga Aya'fapa tsu que'ima in'jaen que'ija Jesúsve in'jan'chondeccusi. Tsa'cansi gi ingija antte'faya'bi avujatsse Chigama que'ine iñajañe.