Mateo 2:6 - Cofán: Chiga Tevaen'jen

⁶ Queja Judá ande'su Belén canqque, Faesu Judá'su canqquema bove'ccombi qui. Nane que'ye tsu ande na'suja somboya. Tiseja ña aindeccuma tsu coirapa mandaya.

Mateo 2:6 ပူးပေါင်းရင်းမြစ်များ

Génesis 49:10

Ni majañi'qque tsu Judá manda'je'choma itsaya'bi. Ni tise tiveni an'bian'cho coen quini'ccoma'qque itsa'faya'bi tsa quini'cco na'su jiya'ngae. Tsama tsu poi canqquesundeccu paña'faya.

2 Samuel 5:2

Nane Saúl ingi na'suite'qque qui queja ñoa'me Israel gera iyicco'je'choma manda'je. Toya'caen tsu Na'su Chigaja quenga ñoa'me conda que jai'ngae israendeccuma mandapa ande na'suve daya'choma.”

Isaías 40:11

Ovejama coira'sia'caen jipa tise ovejama ñotsse coira'je. Nane oveja du'shuma opipa injama'ttinga munsin. Toya'caen oveja du'shuve an'bian'choma vasuitsse angacan.

Miqueas 5:2

“Tsa'ma que Judá ande'su Belén Efrata canqque, mapán faesu Judá'su canqquema bove'cconi'qque, que'ye tsu ande na'suja somboya Ña a'i israendeccuma mandaye. Tiseja me'ttia'ye can'jemba tsu tayopi'su aindeccu'su.

Números 24:19

Nane Jacob aindeccu'ye tsu Na'su Patsu'suja sombopa canqqueni toya canjensundeccuma sefaeña.”

Mateo 2:1

Jesúsja Belén canqqueni isu'cho. Judea ande'su canqque tsu. Herodes na'suite tsu Jesúsma isu'cho. Tsa'caen isusi biani'su injama'pandeqquia tisema can'su ji'fa. Chiga sombo'jene jipa Jerusaléni ca'nimba

Mateo 28:18

Tsonsi Jesús tise'panga catsepa su: —Chiga Quitsa tsu ñanga antte pa'cco Chiga sefacconima, pa'cco andenima'qque mandaye.

Juan 21:16

Tse'ttie ccase iñajampaña: —Simón, Jonás dutssi'ye, ¿ñama ti qui ñotsse in'jan? Pedroja su: —Ju, Na'su, que qui atesu ña quema in'jan'choma. Jesúsja su: Tsa'caenda ña a'ima coiraja ovejama'caen.

Juan 7:42

Chiga Tevaen'jen'da tsu su Cristoja David dutssi'yeya. Tisemajan Belén, David canqquenga, isuya'cho.

Efeso'su 1:22

Chigaja ñoa'me pa'tssima Jesúsnga tayo afe cuintsu tsama mandaye. Toya'caen Jesúsma na'suve tson cuintsu Jesúsja tise've in'jamba bo'je'chondeccuma mandaye. Tsove ai'voma mandaqquia'caen tsu Jesúsja tise've in'jan'chondeccuma manda.

Colosa'su 1:18

Toya'caen poiyi'cco Jesúsve in'jan'chondeccu fae ai'voacañi'fa tsu. Jesucristoja tsendeccumbe tsove tsu. Tiseja otien'su. Toya'caen tiseja o'tie papa ccase qquendya'su tsu. Tsa'caen tsomba tiseja osha'chone ti'tsse joccapitssia've da.

Canjaen'cho 11:15

Septimo Chigama sefacconi'su shondo'su jeñasi sefacconi'su afasundeccuja quia'me afa'je'fa. Qquen tsu su'fa: Ja'ño tsu ingi Na'su Chiga Quitsaja poiyi'cco va ande'su nasundeccuma patsupa Na'suve da. Tise Ccushaen'su Cristo'qque poimbe na'suve tsu da. Tsangae tsu Tiseja anttembe'yi mandaya.

Canjaen'cho 2:27

Nane Chiga Quitsa tsa'caen ñanga anttesi ñajan poi ande'su na'suve dapa quia'me mandaya. Majan ñama pañambian'da gi yoshava'ccoi'ccu apima doñaqquia'caen tise'pama naniaña.

Canjaen'cho 7:17

Nane Oveja, tsa na'su dyaipa'cho pporotsse ccutsu'su tsu tise'pama angacaña. Oveja coira'suve dapa tsu tise'pama angacamba cansiaña'cho tsa'ccu sombo'je'ttinga angaya cuintsu canse'faye. Chiga Quitsa'qque pa'cco inanzaccuma tsu ccuchaya tise'pa tso'fe'ye cuintsu avujatsse canse'faye.