Mateo 2:23 - Cofán: Chiga Tevaen'jen

²³ Nane Nasaret canqqueni japa can'jen'fa. Tse'tti can'jemba tsu tayopi'su Chiga aya'fama afa'su suqquia'caen tson. “Tiseja Nasareno tsu” qquen tsu tayópija su.

Mateo 2:23 ပူးပေါင်းရင်းမြစ်များ

Mateo 1:22

Qquen tsu Jesúsma isu'choja, Na'su Chiga tayopi suqquia'caen tsoñe. Nane Na'su Chigaja Tise Aya'fama afa'sui'ccu qquen tsu su:

Mateo 21:11

Cca'indeccuja su'fa: —Vaja Chiga Aya'fama afa'su Jesús tsu. Galilea ande'su Nasaret canqque'su Chiga Aya'fama afa'su tsu.

Mateo 26:71

Tsomba sombo'ttinga sombo jisi faesu sema'su pushesu tisema attepa tseni can'jensundeccunga su: —Va tsandieja Jesús Nasarenoi'ccu jacan'su tsu.

Marcos 1:24

—¿Mincoñe qui ingingata ji, Jesús Nasareno'su? ¿Ji ti qui ingima sefaeñe? Ñanda gi quema atesu. Queta qui Ño'a Chigani'su.

Marcos 1:9

Tsonsi tse'i Jesúsja Galilea ande'su Nasaret canqquene ji. Jisi Juan Jesúsma feti Jordán na'enga.

Lucas 1:26

Seis ccovu pasasi Chigaja Tisema sefacconi'su shondo'su Gabrielma mandamoen Galilea ande'su Nasaret canqqueni.

Lucas 18:37

Qquen iñajampañasi tisenga su: —Jesús Nasareno panshanjinsi tsu tsain'bio a'i tisei'ccu jayi'fa.

Lucas 2:39

Tsonsi pa'ccoma Na'su Chiga manda'cho mandaqquia'caen tsomba María, José, du'shui'ccu toequi Galileani ja'fa. Tise'pa Nasaret canqqueni japa can'jen'fa.

Juan 18:5

Tsendeccuja su'fa: —Jesús Nasareno'suve Jesúsja su: —Ña gi. Judas, tisema indiye afe'suja tse'tti sundarondeccui'ccu ccutsu.

Juan 18:7

Tsonsi Jesúsja ccase iñajampaña: —¿Majame qui ttatta'je'fa? Tise'paja su'fa: —Jesús Nasareno'suve

Juan 19:19

Pilatoja tevaen'jema tevaemba ancaeñe manda qquen su'chove: Jesús Nasareno'su –Israendeccu na'su.

Tson'fa'cho 2:22

¡Israendeccu, paña'faja! Chiga Quitsaja a'tatsse que'inga Jesús Nasareno'suma canjaen. Tisema in'jaensi Jesúsja osha'cho sefani'su agattoen'choma canjaen. Sefani'su canjaen'choma'qque canjaen. Attiaña'choma'qque attian. Tsa'caeñi tsu Chigaja tisema'qque a'tatsse que'inga canjaen. Que'ija tsama attepa qui injan'jen'fa.

Tson'fa'cho 24:5

Va a'i tsu ñoa'me paqque'sia'caen ingima noñangian'su. Poi andeni mani israendeccu can'jen'fa'ni'qque tseni tiseja ccaningae atesiañe noñangian'jen. Tise'qque tsu Nasareno in'jan'chondeccumbe na'su.

Jueces 13:5

Tsandie du'shuve qui isuya. Tiseja tisu tosema chattu'jeya'bi tsu. Nane tsa du'shuja toya isuyembiteyi Chiga ñotsse injan'chopa tsu nazareo a'iya. Tisei'ccu tsu Na'su Chigaja ashaeña israendeccuma filisteondeccu'ye ccushaeñe.”

1 Samuel 1:11

Iñajamba Na'sunga ñoa'me su'chove qquen afa: “Na'su Chiga, que qui Osha'choma Oshacho. Ña quema shondo'suma injan'jemba ñoa'me mende'yepa tsandie du'shuve ñanga afe'ninda gi tsamajan toequi quenga ccase afeya. Afesi tsu quema shondo'suve dapa canseya. Toya'caen tise tosema cha'ttumbe'yi tsu canseya'cho tiseja quembe qquen canjaeñe.”