Mateo 2:13 - Cofán: Chiga Tevaen'jen

¹³ Tsa'caen tise'pa andeni ja'fasi Na'su Chigama sefacconi'su shondo'su jipa Josénga attian. José anamba ayo'osi attiamba su: —Qquendyapa jangija. Du'shuma, tise chama'qque angapa Egipto andeni ccuyaja. Tseni can'jen'faja ña condaya'ngae. Nane Herodesja iyicca'yepa du'shuve tta'ttaye ashaen fi'ttiye.

Mateo 2:13 ပူးပေါင်းရင်းမြစ်များ

1 Reyes 3:5

Fae cose Salomón Gabaóni can'jemba ayo'osi Na'su Chiga tisenga attiamba su: “Jongoesuve in'jan'da ñama iñajanjan. Ña gi afeya.”

Éxodo 1:22

Tsa'caen tson'jen'fasi faraónjan manda poiyi'cco tise aindeccuma qquen supa: “Hebreosundeccu tsandie du'shuve isu'ninda na'enga ttova cati'faja. Tsa'ma pushesu du'shuve isu'ninda antte'faja cuintsu canseye.”

Mateo 1:20

Tsa'caen asi'ttaen'jen'ni Na'su Chigama sefacconi'su shondo'su tisenga ji. José anamba ayo'osi sefacconi'su shondo'su attiamba su: —¡José, David dutssi'ye! Dyombe'yi que pushe Maríama que tsaoni angaja. Tise ttopanga an'du'cho du'shuja Chiga Qquendya'pa du'shu tsu.

Mateo 10:23

Fae canqqueni que'ima noñangiansi faesu canqquenga tsu ccuyapa ja'faya'cho. Ñoa'me gi que'ima su: Tsa'caen cca'tti cca'ttinga japa poiyi'cco israe'su canqquenga toya ja'fambi'te Sefaccone Ji'cho A'i gi ccase jiya.

Mateo 2:12

Tsa'ma na'su Herodes mandaqquia'caen toequi ja'fambi. Nane ayoni in'jamba Herodesni jambe'yi ccafae tise'pa andeni ja'fa.

Mateo 2:14

Tse'faei'ccuyi José qquendyapa jangi. Jangipa toya sinttia'ni du'shu Jesúsma, tise chama'qque qquendyaemba sombo'fa Egipto andeni jaye.

Mateo 2:16

Injama'pandeqquia ccafaeyi ja'fasi ande na'su Herodes pañamba afopoen'fa qquen in'jamba ñoa'me iyicca'ye. Iyicca'yepa manda cuintsu poiyi'cco Beléni'su tsandie du'shuma fitti'tti'faye. Toya'caen Belén canqque pporotsse can'jensundeccumbe tsandie du'shuma'qque fitti'ttiye manda. Nane injama'pandeqquiai'ccu tayo condasepa o'fe maqui attian'choma agattopa poiyi'cco tsandie dushundeccu majan dos canqque'fama bove'ccoama fitti'ttiye manda.

Mateo 2:22

Tsa'ma Herodes dutssi'ye, Arquelao, Judea na'suve da'choma pañamba tseni jaye dyojo. Dyojopa ccase ayo'opa in'jamba Judeani jambe'yi Galilea andeni japa can'jen'fa.

Tson'fa'cho 10:22

Tsendeccuja su'fa: —Capitán Cornelio mandasi gi ji'fa. Tiseja ño'a a'i. Chigave in'jamba dyoe'sui'ccu Tisema pañamba canse. Poiyi'cco israendeccu'qque tisema ñotsse in'jan'fa. Tsa ño'a Chigama sefacconi'su shondo'su tsu Cornelioma manda cuintsu quema ttu'sesi queja tise tsaoni japa afasi tiseja que su'choma pañañe.

Tson'fa'cho 10:7

Chigama sefacconi'su shondo'su jasi Cornelioja ttu'se dos tisema coirasundeccuma. Toya'caen fae sundaroma'qque ttu'se. Tsa sundaroja Cornelioma shondo'supa tise'qque Chigave ñotsse in'jan'cho.

Tson'fa'cho 12:11

Tsa'caen tisema catipa jasi Pedroja ñoa'me in'jamba su: —Ja'ño gi in'jan ñoa'me tsu na'su Chiga Quitsaja Tisema sefacconi'su shondo'suma mandamoemba ñama ccushaen Herodes tsoña'cho'ye toya'caen israendeccu in'jamba ronda'je'cho'ye'qque.

Tson'fa'cho 12:7

Tsa'caen ana'jen'ni Na'su Chigama sefacconi'su shondo'su jipa attian. Tsa'caen attiansi picco'je'cho ettinga tuño setsaqquia'caen a'tatsse da. Tsonsi sefacconi'su shondo'su Pedronga catsepa utuccu'tti'ye tssai qquendyaemba su: —¡Utatsse jangija! Qquen susi Pedro jangisi tise tive'ye tandan'cho candena'qque ccupaye amppi.

Tson'fa'cho 16:36

Tsa'caen su'fasi coira'suja Pablo, Silasnga qquen conda: —Ñoquiansundeccu tsu ñama manda'fa que'ima fettamañañe. Tsa'cansi qui ja'ñojan opatsse jaye osha'fa.

Tson'fa'cho 5:19

Tsa'ma cosesi Chigama sefani'su shondo'su jipa picco'je'cho etti'su sombo'ttima fettapa tsendeccuma somboemaña qquen supa:

Tson'fa'cho 7:19

Tsa'camba ingi tayopi'su coenzandeccuma'qque chi'gapa patsuye in'jamba tise'pama afopoemba vanae. Nane tsa'caen vanaemba manda tsandie du'shuve isu'ta cuintsu cati'faye a'i panshaen atapasa'ne.

Josué 3:13

Nane Chigama afa'su, poi ande'su Na'su a'i'ccu injancco'fa'cho cafonma angasundeccu Jordán na'enga tsui ccutsu'ninda tsu na'en ai'je'choja pasapa tse'ttinga bo ccutsuya.”

Josué 3:17

Na'su Chiga a'i'ccu injancco'fa'cho cafonma anga'su Chigama afasundeccuja Jordán na'en enttingeni ccutsu'fa san'an'ni. Tsa'caen ccutsu'fasi poi israendeccu tise'pama panshamba ccavofanga ise'fa. Nane ñoa'me santsse sambasi tsu tsa'caen ise'fa.

Josué 4:10

Tsa'caen tson'jen'fasi Chiga a'i'ccu injancco'fa'cho cafonma anga'su Chigama afasundeccuja toya Jordán enttingeniñi ccutsu'fa. Nane pa'cco Na'su Chiga Josuénga manda'choma aindeccu naniña'ngae tsu tsa'caen enttingeni ccutsu'fa. Nane pa'cco Moisés Josuénga condaqquia'caen tsu tson'fa. Tsa'cansi aindeccuja junde poiyi'cco isepa

Josué 4:18

Tsa'caen susi Chigama afasundeccu san'anga sombosi tse'faei'ccuyi Jordán na'en'su tsa'ccuja toequi bo'iave jipa tayoa'caeñi da.

Canjaen'cho 12:14

Tsa'ma pushesunga tsu dos pindo sanccopa'ca'ma afe cuintsu tsai'ccu chhajepa tise a'i menia can'jeñani ccuyin jaye. Tseni tsu tise'be ñoña'fa cuintsu tres canqque'fa faesu canqque'fa enttingeve tseni an can'jeñe. Tseni jasi cocoya canjansija tisenga catseye oshambi.

Canjaen'cho 12:4

Atse'fai'ccu sefacconi'su o'fema fae tercera enttingeccoeyi bui indipa andenga ttova shequian. Tsomba tsu canjansija pushesunga catsepa ronda'je du'shuma isusi tse'faei'ccuyi cundeye.

Canjaen'cho 12:6

Tsonsi pushesuja a'i menia ccuyapa, mil dosiento sesenta a'tave a'tupa can'jen. Chigaja tise can'jeña'chove ñoña cuintsu pushesuja tseni aña'choma an'biamba ñotsse can'jeñe.