Mateo 2:11 - Cofán: Chiga Tevaen'jen

¹¹ Tsaoni ca'nimba du'shu Jesúsma atte'fa, tise mama Maríama'qque. Du'shuma attepa ccaru dyaipa tisema iñajamba ñotsse afa'fa. Ñotsse afapa tise'pa cafoma'qque fettapa osha'cho ñotssiama afe'fa. Nane cori, toya'caen bare'cho oque oraenqque'su ñome'ba, toya'caen mirra ñome'bama'qque afe'fa.

Mateo 2:11 ပူးပေါင်းရင်းမြစ်များ

Génesis 43:11

Tsa'caen susi tise yayaja su: —Ccaningae tsoñe oshambi'ta qquen tson'faja: Tsa a'inga afeya'chove que'i saquiyonga anga'faja. Nane va ande'su bove ñotsse jincho'cho'suma anga'faja, re'ricco balsa'mo seje'pa, re'ricco tuño cuñajun'cho, ñome'ba, mirra seje'pa, ccasepa'cho toya'caen almendra.

1 Reyes 10:10

Tsa'caen na'su Salomóni'ccu condasepa tsu tisenga corima afe tres mil noveciento sesenta kilove. Toya'caen tsu tsain'bio bare'cho ñome'ba, bare'cho patuma'qque afe. Nane minguite'qque tsu tsa'cantssi ñome'ba ccase jimbi Seba ande'su na'su pushesu na'su Salomónga afeqquia'caen.

1 Reyes 10:2

Jipa tsu Jerusaléni nepi tsain'bio anduqque'su cameyoi'ccu. Nane cameyo tsu ñome'ba, tsain'bio cori, toya'caen bare'cho patuma'qque andupa i'fa. Tsa'caen jipa Salomóni'ccu condasepa pa'cco tisu in'jan'choma tisema iñajampaña.

Salmos 2:12

Nane tsa'caen tsombi'ta qui tse'faei'ccuyi pa'faya Na'su junde iyicca'yesi. Poiyi'cco tise've in'jamba coirayeye ji'chondeccuja ñoa'me avujatssi'faja.

Salmos 95:6

¡Ji'faja! Jinge puntssamba ccaru dyaipa iñajan'faye. Jinge tisenga ccaru dyaipa Na'su ingima agattoen'suma ñotsse afa'faye.

Mateo 1:18

Qquen tsu Jesucristoma isu'cho. Tise chanjan, María Josénga tayo iñajañemba toya tsandiei'ccu fae'ngae can'jembe'yi surie da. Chiga Quendya'pa tisenga jisi surie da.

Mateo 12:46

Jesús toya a'i bo'fa'chonga atesian'jen'ni tise mama, tise quinshingendeccu'qque tseni ji'fa. Jipa tsa'o tsotefangayi ccutsu'fa Jesúsi'ccu afaye in'jamba.

Mateo 14:33

Shavoni can'jensundeccu Jesúsnga catsepa ccaru dyaipa tisema ñotsse afa'fa qquen supa: —Que qui ñoa'me Chiga Dutssi'ye.

Mateo 2:10

Tsa o'fema attepa ñoa'me avuja'fa.

Mateo 2:2

iñajampaña'fa: —¿Mani tsu voeyi isu'cho israe na'suja can'jen? Coejechiga sombo'jeni can'jemba gi tise o'fema attepa ttatta'su ji'fa Tisema iñajamba ñotsse afaye.

Lucas 2:16

Cunshoa'me japa Maríama, Joséma'qque cachui'fa. Tsomba du'shuma'qque atte'fa, vaura an'jen'cho cafonga ppiña'choma.

Lucas 2:38

Simeón toya José, Maríai'ccu condase'je'ni Ana'qque jipa cachui. Cachuipa du'shuma attepa Chigama ñotsse afapa du'shu Jesúsne Jerusalensundeccunga condaseye ashaen. Condasesi majan Chiga ccushaeña'chove ronda'je'chondeccuja ñotsse paña'fa.

Juan 19:39

Toya'caen Nicodemo'qque jipa ñome'bama i, cien librave, mirra ñome'ba aloes ñome'bai'ccu echhoen'choma. Tsa Nicodemo tsu tayoe cose Jesúsi'ccu condase'nga'cho.

Canjaen'cho 19:10

Tsonsi gi puntssamba afa'sumbe tsutteccofanga ccarupa dyai tisema ñotsse afaye. Tsa'ma tiseja ñama su: —Tsa'caen tsonjama. Que, que faenga'su Jesúsma pañamba in'jan'chondeccu'qque Chigambe semasundeccu qui. Ña'qque quei'ccu fae'ngae Chigambe sema'su gi. Chiganga ccarupa ñotsse afaja. Nane poiyi'cco majan Jesúsve in'jamba tansintsse condase'ta ñoa'me Chigane afasundeccu tsu.

Canjaen'cho 5:8

Tevaen'jema isusi tsa cuatro canse'pa jinchondeccu, veinticuatro coenzandeccu'qque Ovejanga catsepa andenga amppi ccui'fa. Poi coenzandeccu guitaracan'cho'ccoe an'bian'fa. Toya'caen cori apisho'ttonga ñome'bama'qque i'fa. Tsa ñome'baja Cristove in'jan'chondeccu Chigama iñajan'cho tsu.