Mateo 19:5 - Cofán: Chiga Tevaen'jen

⁵ Toya'caen tsu su: “Tsa'cansi tsu tsandieja tise yayama, tise mamama'qque catipa tise pushei'ccu fae'ngae canseya'cho. Tsa'caen fae'ngae cansepa tsu dos a'i fae a'iveyi da'fa.”

Mateo 19:5 ပူးပေါင်းရင်းမြစ်များ

Génesis 34:3

Tsa'ma tsa'caen tsomba Siquem ñoa'me Dinama ñotsse in'jamba osha'choma tson cuintsu ccane'qque tise've in'jañe.

1 Reyes 11:2

Tsa'caen in'jamba tsu Na'su Chiga israendeccunga manda'choma cati. Nane Na'su Chigata tsu se'pi faesu ande'su pushesuma pusheye, tsa'caen tsomba injama'choi'ccu tise'pa chigandeccuma'qque in'jansa'ne. Tsa'ma Salomónjan faesu pushesundeccuma ñotsse in'jamba pu'she.

Malaquías 2:15

Tsa'ma Na'su Chigaja que'i ai'vo, que'i qquendya'pama'qque an'biamba que'ima fae a'ive tson. Tsa'caen tsu tson cuintsu que'i dushundeccu'qque tise've in'jamba canse'faye. Tsa'cansi que'i injama'choma ñotsse coirapa que'i aishe pushendeccuma ñotsse in'jamba canse'faja.

Mateo 19:6

Chiga Tevaen'jen tsa'caen susi dos a'imbipa ñoa'me fae a'iyi tsu. Chiga tise'pama fa'engayi tsonsi a'ija tsa'caen fae'ccoe da'choma attufaembe can'faya'cho.

Romanos 12:9

Afopoembe'yi tisupapora ñotsse injancco'faja. Osha'cho egama chi'gapa osha'cho ñotssiama in'jan'faja.

1 Corinto'su 6:16

¿Atesu'fambi ti qui majan tsandie tisu ai'voi'ccu gana'su pushesui'ccu in'jangae canse'ta tisei'ccu fae name tsu da'fa? Tsa'caen tsu Chiga Aya'fa su: “Tsa dos fae name tsu da'fa.”

1 Corinto'su 7:2

Tsa'ma pushembe'yi pushesui'ccu egae tsinconsa'ne bove ñotssi tsu poiyi'cco tsandie pushepa tisu pushei'ccu canseye; poiyi'cco pushesu'qque tsa'ndupa tisu tsa'ndui'ccu canseye.

1 Corinto'su 7:4

Nane pushe tsu tisu ai'voma mandambi. Tsa'ma tise tsa'nduja tise na'su tsu. Toya'caen tsa'ndu tisu ai'voma mandambisi tise pushe tsu tise na'su.

Efeso'su 5:31

Tsa'cansi tsu Chiga Tevaen'jenjan qquen su: “Tsandie tisu yayama tisu mamama'qque catipa tise pusheve pushe. Pushepa dos a'i tsu fae name da'fa.”