Mateo 17:3 - Cofán: Chiga Tevaen'jen

³ Dos a'i'qque a'tatssia've attiamba Jesúsi'ccu condase'je'fa. Tayopi'su Moisés, tayopi'su Elías'qque ccutsupa condase'fa.

Mateo 17:3 ပူးပေါင်းရင်းမြစ်များ

1 Reyes 17:1

Tsonsi Chiga aya'fama afa'su Elías tsa Galaad ande'su Tispe canqque'su a'i, jipa Acabma su: “Na'su Chiga Quitsa, tsa Israel Chiga, mandasi pañamba gi quenga ñoa'me su: Ja'ño va canqque'fani unjinjan tuiya'bi ni surunoñi'qque andema tssipoeña'bi ña pasaya'chove suya'ngae.”

Malaquías 4:5

“Que canjan: Na'su a'taja ñoa'me dyoqque'su a'ta tsu. Tsa'ma toya jimbi'te gi ña Aya'fama afa'su Elíasma moeña.

Mateo 17:2

Tseni ansundepa tsendeccu camboen'jen'ni Jesús ccaningae tsu da. Tise camba'ju coejechiga'caen a'tatsse chanjun. Tise ondiccu'je'qque chhariccotssia tototssia've tsu da.

Mateo 17:4

Pedro attepa Jesúsma su: —Na'su, ñotssi tsu ingija va'tti can'jen'faye. Que in'jan'ninda gi tres tsao'cho'ccoe tsao'ñaña –fae'cco quembe, faesuja Moisésmbe, faesuja Elíasmbe.

Marcos 9:4

Toya'caen tayopi'su Elías, tayopi'su Moisés attiamba Jesúsi'ccu condase'je'fa.

Lucas 1:17

Tiseja Na'suma o'tie tsu jiya. Tayopi'su Chiga Aya'fama afa'su Elías injama'choma an'bianqquia'caen tise'qque osha'choma oshaya. Tiseja aindeccuma in'jaeña cuintsu yayandeccu tise'pa dushundeccuma in'jan'faye; cuintsu egae tsinconsundeccu'qque ño'a a'i in'jan'chove ttatta'faye. Tsa'caen aindeccuma in'jaensi tise'paja Na'suma shondo'faya.

Lucas 16:16

Chiga manda'cho, Chiga Aya'fa afasundeccu tevaen'jen'qque ingima tayoe atesian. Tsa'ma Juan jipa ma'caen Chiga aindeccuve dapa canseya'chone ñotsse condase'choma candusiañe ashaen. Ja'ño tsain'bio a'i pañamba quia'me in'jan'fa Chiga aindeccuve daye.

Lucas 24:27

Tsomba Moisés condase'choi'ccu ashaemba pa'cco Chiga Aya'fama afasundeccu Cristone condase'choma a'tatsse tise'panga atesian.

Lucas 24:44

Tsomba Jesúsja tise'pama su: —Ña toya que'i'ccu can'jeinte gi ja'ño tsoña'chone conda'a. Nane Moisés manda'cho, Chiga Aya'fama afasundeccu tevaen'jen, settapoen'cho tevaen'jen'qque ñama tsoña'chone condase'fa. Tsa tayoe ña que'inga condase'choma tsu ja'ño tson'fa.

Lucas 9:33

Tsendeccu Jesúsma chigambiamba jaye tson'jensi Pedroja Jesúsma su: —Na'su, ñotssi tsu ingi va'tti can'jeñe. Jinge tres tsao'cho'ccoe tsao'ña'faye –fae'cco quembe, faesuja Moisésmbe, faesuja Elíasmbe. Pedroja tisu su'choma atesumbi'ma injanga afa.

Juan 1:17

Moisésja Chiga manda'choma afapa conda. Tsa'ma Jesucristoma moemba Chigaja Tise ingima in'jamba ñotsse tson'choma tansintsse canjaen.

Deuteronomio 18:18

Nane quema'caen gi faesu ña aya'fama afa'suve israendeccu'suma ccutsiaña. Ña tisenga jongoesuma condasesi tsu tsa ña mandapa su'choma aindeccunga condaya.

Deuteronomio 34:10

Tsa'ma faesu Chiga aya'fama afa'suja Moisés'cantsse Israelnga attiambi. Nane Moisésja Na'su Chigai'ccu cambajunaccu condasecco'je.