Mateo 16:14 - Cofán: Chiga Tevaen'jen

¹⁴ Tise'paja su'fa: —Majandeccu'ta tsu su'fa: “Feti'su Juan.” Cca'ija: “Tayopi'su Elías.” Cca'ija: “Tayopi'su Jeremías.” Tsambi'ta: “Tayopi'su Chiga Aya'fama afa'su,” qquen tsu su'fa.

Mateo 16:14 ပူးပေါင်းရင်းမြစ်များ

Jeremías 1:1

Va tevaen'jen tsu Hilcías dutssi'ye Jeremías su'choma, toya'caen tise tson'choma'qque conda. Nane Benjamín aindeccu andeni, Anatot canqqueni'qque tsu Jeremías aindeccuja can'jen'fa. Chigama afasundeccu tsu.

Malaquías 4:5

“Que canjan: Na'su a'taja ñoa'me dyoqque'su a'ta tsu. Tsa'ma toya jimbi'te gi ña Aya'fama afa'su Elíasma moeña.

Mateo 14:2

Pañamba tisema fuitesundeccunga su: —Va a'ija Feti'su Juan. Papa tsu ccase qquendya. Tsa'caen ccase qquendyapa tsu osha'cho agattoen'choma canjaeñe osha.

Mateo 16:15

Tsonsi Jesús tise'pama iñajampaña: —Tsa'ma que'ija, ¿majan qquen qui ñama su'fa?

Mateo 17:10

Tsonsi shondosundeccuja Jesúsma iñajampaña'fa: —¿Micomba tsu Chiga manda'choma atesiansundeccuja su'fa: “Elías tsu Ccushaen'su Cristoma o'tie jiya”?

Mateo 3:1

Tsomba tse'i bo'tssingae feti'su Juan Judea ande'su a'i menia jipa a'ima candusiañe ashaen.

Marcos 6:15

Cca'indeccuja su'fa: —Tayopi Chiga Aya'fama afa'su Elías tsu. Toya'caen cca'indeccuja su'fa: —Faesu Chiga Aya'fama afa'su tsu, tayopi Chiga Aya'fama afasundeqquia'can.

Marcos 8:28

Qquen susi tise'paja su'fa: —Majandeccuta tsu su'fa, Feti'su Juan. Cca'ija su'fa, tayopi'su Elías. Toya'caen cca'ija Chiga Aya'fama afa'su qquen tsu su'fa.

Lucas 9:8

Cca'indeccuja: “Tayopi'su Chiga Aya'fama afa'su Elías tsu attian” qquen tsu in'jan'fa. Toya'caen: “Tayopi'su Chiga Aya'fama afa'su ccase qquendya,”

Juan 1:21

Qquen susi iñajampaña'fa: —Tsambi'ta ¿majan qui queja? ¿Que ti qui Chiga Aya'fama afa'su Elías? Juanjan su: —Tsambi gi. Omboe iñajampaña'fa: —¿Que ti qui ingi ronda'je'cho Chiga Aya'fama afa'su? Ccase tsu Juanjan su: —Me'i.

Juan 7:12

Aindeccuja tisene afaccopa majanjan su'fa: “Tsaja ño'a a'i tsu.” Tsa'ma cca'ija su'fa: “Me'i, ño'ambi tsu –aqquia a'ima afopoen'su tsu.”

Juan 9:17

Tsomba ccase tayoe binima iñajampaña'fa: —Queja ¿jongoe qquen qui suya que tso'fema ccushaen'sumajan? Tiseja su: —Chiga Aya'fama afa'su tsu.