Mateo 15:9 - Cofán: Chiga Tevaen'jen

⁹ Injanga tsu ñama iñajamba ñotsse afa'fa. Tise'pa atesian'cho'qque a'i asi'ttaemba manda'cho tsu.

Mateo 15:9 ပူးပေါင်းရင်းမြစ်များ

Éxodo 20:7

“Aqquia injanga Na'su, que Chiga inisema egae afajama. Nane Chigaja tise inisema egae afa'suma vanaembe pasaya'bi tsu.

Isaías 29:13

Toya'caen Na'su Chigaja ñanga qquen su: “Va aindeccu aya'fai'ccu ñame in'jan qquen su'fa. Nane tise'pa su'choi'ccu ñanga ñotsse afa'fa. Tsa'ma tise'pa injama'choni ñama chi'ga'fa. A'i in'jamba afa'choma pañamba tsa'caen afa'fa ñama iñajañe. Nane in'jambe'yi injanga afa'choi'ccu afa'fa.

Levítico 26:16

gi ñajan ccane'qque que'ima catipa que'inga qquen tsoña: que'ima gi ñoa'me dyoñaña osha'cho paqque'suma moemba. Nane aje, fettupa, toya'caen ai'vo cuñosie daqque'suma gi moeña. Que'i enemigondeccu que'ima patsupa que'i tai'choma an'fayasi tsu jongoesuma joñe barembi.

Levítico 26:20

Aqquiatsse qui vanamba sema'jen'faya. Nane jongoesuve sho'yoya'bi ande'ye ni jongoesuve naña'bi que'i jombachoccu'su quini'cco'ye.”

Mateo 15:10

Fariseondeccunga qquen supa Jesús poiyi'cco a'ima ttu'sepa tise'panga su: —Ñama paña'faja. Pañamba in'jan'faja.

Marcos 7:7

Aqquia tsu Ñame in'janqquia'caen tsincon'fa. Nane tise'pa atesian'jen'cho aqquia a'i in'jamba manda'choma tsu atesian'jen'fa.

1 Corinto'su 15:2

Va ñotsse condase'choma in'jamba qui ccusha'fa. Tsa'ma ti'tsse in'jamba canse'faya'cho injama'cho shacasi injanga in'jansa'ne.

1 Timoteoga 1:4

Tsendeccuma mandaja cuintsu a'i injanga condase'choma cati'faye. Toya'caen tayopi'su coenzandeccumbe inisema tevaen'choma'qque catiya'cho. Tsaja ccushaeñe oshambi. Nane a'ija tsane panshaen condaseccopa injanga iyicco'faya. Tsaja Chiga in'jaensi tson'jen'choma canjaembi. Nane Cristove in'jambayi gi Chiga in'jan'chove tson'fa.

Titonga 1:14

Tise'pama iyu'uja israendeccu injanga condase'choma paña'fasa'ne. Toya'caen majan atesiansundeccuja ñotsse tansintsse Chiga su'choma catipa a'ima ccaningae manda'fa. Cretasundeccuma iyu'uja cuintsu tsendeccuma pañambecan'faye.

Hebreo'su 13:9

Tsa'cansi ccaningae atesian'jen'choma paña'da tsama in'jan'fajama. Majan atesiansundeccuja aña'choma añe se'pi'fa tsa'caen tsomba injama'choma quiñaeñe qquen supa. Nane tsendeccu tsa'caen se'pipa canse'fasi tise'pa injama'choja toeninga ega tsu. Ñoa'me Chiga ingima in'jamba afe'cho tsu ingi injama'choma quiñaenqque'su.

Santiago 2:20

¡Sumbi! ¿Atesumbi ti qui? A'ija tisu tson'choma canjaembipa aqquiayi Cristove in'jan qquen su'ninda pa'choa'caen barembi tsu tise in'jamba su'choja.

Canjaen'cho 22:18

Candusiamba poiyi'cco va Chiga Aya'fa su'cho tevaen'jema pañasundeccunga gi conda: Majan a'i va su'choma cambiamba ti'tsse afa'ninda Chiga tsu tisema ti'tsse vanaeña. Osha'cho va tevaen'jen su'cho vanaen'jen'choi'ccu tsu tisema vanaeña.