Mateo 15:4 - Cofán: Chiga Tevaen'jen

⁴ Nane Chiga manda'cho tsu su: “Que yaya, que mamama ñotsse in'jamba paña'faja.” Toya'caen: “Majan a'i tise yaya, tise mamama chi'gapa afase'ninda tisema tsu fi'ttiya'cho.”

Mateo 15:4 ပူးပေါင်းရင်းမြစ်များ

Éxodo 20:12

“Ñotsse tsu in'jaña'cho que yaya, que mamama cuintsu Chiga, que Na'su, tsain'bitsse va quenga afeya'cho andeni canseya'chove antteye.

Mateo 15:3

Tsa'ma Jesús tise'pama ccane'qque iñajampaña: —Que'i'qque, ¿micomba qui Chiga manda'choma cati'fa que'i nafattu'choma in'jamba tsoñe?

Mateo 15:5

Tsa'ma que'ija su'fa, a'i tise yaya, tise mamama fuiteye in'jambi'ta qquen suye osha: “Pa'cco ña an'bian'choma tayo Chiganga afepa gi que'ima fuiteye oshambi.”

Mateo 19:19

Que yaya, que mamama ñotsse in'jamba pañajan. Tisuma in'janqquia'caen faenga'suma ñotsse in'janjan.

Mateo 4:10

Tsa'ma Jesús tisema su: —Satana, ña'ñe biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”

Romanos 3:31

Tsa'caen susi: ¿“Ja'ñojan jinge manda'choma pañambe'yi canse'faye” qquen ti gi su'fa? Me'i. Tsa'ma Jesucristove in'jamba gi ti'tsse manda'choma paña'jen'fa.

Efeso'su 6:1

Dushundeccu, tisu mama, tisu yayama ñotsse in'jamba paña'faya'cho. Na'su Chigaja tsendeccuma ccutsian que'ima mandapa coeñañe. Chiga tsa'caen anttési ñotssiya tsu que'i paña'faye.