Mateo 15:32 - Cofán: Chiga Tevaen'jen

³² Tsonsi Jesús tisema shondosundeccuma ttu'sepa su: —Va aindeccuma gi mende'ye. Tres a'ta ingi'ccu can'jemba ja'ño aña'chove an'bian'fambi tisupa añe. Injanga manda moeñe in'jambi gi tteppiambe'yi tise'pa tsaoni. Nane toya tsaiqui'ye jayipa quin'su me'i'en dasi amppi'fasa'ne.

Mateo 15:32 ပူးပေါင်းရင်းမြစ်များ

Mateo 12:40

Nane Jonás tres a'ta, tres cose'qque rande avu ttopani can'jenqquia'caen gi Sefaccone Ji'cho A'i'qque papa tres a'ta, tres cose'qque andenga a'tu'fasi can'jeña'cho.

Mateo 14:13

Jesúsja Juanma fi'tti'chone pañamba tse'ttie sombopa shavonga otsepa a'i menia ja tisuyi can'jenccaye. Tsa'ma aindeccu pañamba poi canqquene sombopa tsu'ttengae tisema omboemba a'i menia o'tie ja'fa.

Mateo 15:33

Jesúsma shondosundeccuja su'fa: —Vani a'i menia can'jemba ¿mani gi japa panma chavanga'faya va tsain'bio a'ima o'fiañe?

Mateo 20:34

Qquen susi Jesús tise'pama mende'yepa tise'pa tso'fema pporaen. Pporaensi tse'faei'ccuyi tise'pa tso'fe bittasi atteye osha'fa. Atteye oshapa fae'ngae Jesúsi'ccu ja'fa.

Mateo 27:63

su'fa: —Na'su, tsa afopoen'su toya canseite tsu su: “Papa tres a'tangae gi ccase qquendyaya.”

Mateo 9:36

Aindeccuja bo'fasi Jesús attepa tise'pama mende'ye. Nane oveja coira'suve mechoqquia'caen injanga ñoquimbicco jacan'fa.

Marcos 9:22

Nane tsain'bitsse cocoya ña du'shuma si'ngenga, na'enga amppiamba fi'tti qquen tsincon. Tsa'cansi que osha'ta ingima mende'yepa fuiteja.

Lucas 7:13

Na'su Jesús tsandupajen'choma attepa mende'yepa su: —I'nambe canjan.

Tson'fa'cho 27:33

A'taningae, Pabloja poiyi'ccoma su cuintsu re'riccoe an'faye. Qquen tsu su: —Tayo tsu catorce a'ta que'i anambeyi can'jen'cho. Toya'caen qui ñotsse an'fambi.

Hebreo'su 4:15

Nane ingine Chigama afa'su tsu ingi qque'choma atesupa ingima mende'yeye osha. Tise'qque ingia'caen a'ive dapa can'jensi Satanajan tisema'qque qqueña qquen tson. Tsa'camba Jesúsja egae tsincon'choma patsu'a'qque tsu ingi qque'choma injan'jen.