Mateo 14:6 - Cofán: Chiga Tevaen'jen

⁶ Tsonsi Herodes canqque'fa napisi fiestaen'jen'fa. Herodías onque'ngeja fiestani bo'fa'chonga jipa boira'je. Boira'jesi Herodes camba avuja.

Mateo 14:6 ပူးပေါင်းရင်းမြစ်များ

Génesis 40:20

Tres a'ta pasasi tsu na'su faraón canqque'fa nepi. Nepisi rande fiestave tisema shondosundeccui'ccu tson. Tise ttu'sesi ji'chondeccu caña'jen'ni faraónjan manda cuintsu picco'je'tti'ye tasama afe'su na'su toya'caen panma matssan'su na'suma'qque somboemba tiseni i'faye.

Mateo 14:3

Nane Herodesja tise quinshi Felipe pushema in'jamba itsa tisumbeve. Tsa'caen egae tsinconsi Juan tisema iyu'u: —Manda'cho tsu se'pi tsa pushesuma pusheye. Qquen iyu'usi tsa pushesu, Herodíasja, Juanma iyicca'yepa fi'ttiye in'jan. Tsa'caen in'jansi na'su Herodes Juanma indipa candenai'ccu tandamba picco'je'ttinga picco.

Mateo 14:7

Camba avujapa ñoa'me su'choi'ccu, “Osha'cho jongoesuve que in'jan'ninda gi afeya,” qquen tsu su.

Mateo 22:24

qquen iñajampaña'fa: —Atesian'su, tayopi Moisés ingima mandapa tevaen cuintsu a'i du'shu mechoyi pasi tsambe pushe toya canse'nijan pa'chombe quinshiñi tsu pa'chombe pushema pusheya'cho. Tsomba tsu du'siaña'cho tise quindya'yembe inisema aqque'pasa'ne.

Marcos 6:14

Poiyi'cco a'i Jesúsne ñotsse afa'fasi Na'su Herodes'qque paña. Nane majandeccu su'fa: —Feti'su Juan pa'cho tsu ccase qquendya. Tsa'camba tsu osha'choma oshacho.

Marcos 6:17

Nane Herodesja tise quinshin Felipe pushema itsa tisumbeve. Tsa pushesu inise tsu Herodías. Tsa'caen tsonsi Juanjan Herodesma su: —Ega tsu que antian pushema an'biañe. Qquen susi tsa pushesu, Herodíasja, Juanma iyicca'yepa fi'ttiye in'jan. Tsa'caen in'jansi na'su Herodes Juanma indipa candenai'ccu tandamba picco'je'ttinga picco.

Marcos 6:19

Herodíasja tsa'caen Juanma iyicca'yepa fi'ttiye in'jan'ma Herodes se'pisi oshambi.

Marcos 8:15

Tsonsi Jesúsja tise'pama mandapa su: —¡Can'faja! Injama'tse in'jan'fajama fariseondeccu cupana'ccoma, ni Herodes cupana'ccoma'qque.

Lucas 13:31

Toya Jesús tsa'caen atesian'jen'ni majan fariseondeccu jipa tisema su'fa: —Va'ttieja junde jaja. Ande na'su Herodes tsu quema fi'ttiye in'jan.

Lucas 23:11

Herodes, tise sundarondeccu'qque Jesúsma chi'gapa afase feña'jen'fa. Ñotssia na'su sarupa'cain'ccu tisema ondiqquiamba toequi Pilatonga maña.

Lucas 23:7

“Ju,” qquen susi Pilatoja Jesúsma angaye manda Herodesnga. Galilea ande na'su Herodesja tsequi a'ta Jerusaléni can'jen.

Lucas 3:1

Poi ande'suma joccapitssia na'su, Tiberio César, quince canqque'fave tayo mandasi Poncio Pilato, Judea ande'su governarorve can'jemba manda. Toya'caen Herodesja Galilea ande na'su tsu. Tise quinshin, Felipe tsu Iturea ande na'su. Traconite andema'qque manda. Lisaniasja Abilinia ande na'su.

Lucas 3:19

Toya'caen Juanjan ande na'su Herodesma iyu'u. Herodesja osha'cho egave tsomba tise quinshimbe pushe, Herodíasma, itsapa fae'ngae can'jen. Tsa'caen egae tsinconsi Juanjan tisema iyu'u. Iyu'usi Herodesja ti'tsse egae tsincomba iyicca'yepa Juanma picco'je'cho ettinga ca'niamba picco.

Lucas 8:3

Faesuja Juana. Tise tsa'nduja, Choza, tsu ande na'su Herodes tsa'o na'su. Toya'caen Susana, cca'indeccu'qque fae'ngae jacan'fa. Tise'pa an'bian'choi'ccu, tise'pa corifin'di'ccu Jesúsma, tisema shondosundeccuma'qque fuitepa osha'chove ñoña'fa.

Tson'fa'cho 12:1

Tseite ande na'su Herodesja majan Jesúsve in'jan'chondeccuma noñangiañe ashaen.

Tson'fa'cho 4:27

Ñoa'me tsu va canqqueni Na'su Herodes, Governaror Poncio Pilato'qque, israembindeqquia, israendeccu'qque bopa quembe ño'a Dutssi'ye Jesúsma iyicca'ye'fa.