Mateo 13:44 - Cofán: Chiga Tevaen'jen

⁴⁴ Chigama na'sian'cho aindeccuve daya'cho tsu coria'caen ñoa'me bare. Nane tayopi'su a'i corima andenga a'tupa pasi ja'ño'su a'i pa'fupa atte. Attepa junde ccase piccopa avujatsse japa pa'cco tise an'bian'choma chavaen. Chavaemba corifin'dima isupa japa cori ccui'ttima chava. Andema chavapa pa'cco corima'qque tise'be an'bian.

Mateo 13:44 ပူးပေါင်းရင်းမြစ်များ

Isaías 55:1

“¡Poiyi'cco majan qquipoe'su'ta jipa tsa'ccuma cu'i'faja!” Majan corifin'di me'cho'ta jipa afepoembe'yi trigoma isupa an'faja. Nane vino, chochoma'qque chavambe'yi cu'i'faja.

Mateo 13:24

Jesús faesu condase'choma conda: —Chigama na'sian'cho aindeccuve daya'cho tsu qquen: A'i tise nasipanga ñotssia trigo choma jonqquia'caen tsu.

Mateo 13:46

Attepa chavaye in'jamba japa pa'cco tise an'bian'choma chavaemba corifin'dima isupa jipa tsa totoa moyoma chava.

Mateo 13:47

Toya'caen Chigama na'sian'cho aindeccuve daya'cho tsu avuma vachoqquia'caen. Vacho'vama marnga vachosi osha'cho ccaninga avu tsu tsanga indiye'fa.

Mateo 19:21

Qquen iñajampañasi Jesús su: —Ñoa'me ño'ame daye in'jan'da japa que an'bian'choma chavaemba corifin'dima isupa va'chandeccunga attufaenjan. Tsa'caen pa'ccoma afepa qui tsain'bitsse Chiga sefacconi an'biaña. Tsa'caen tsomba ñai'ccu fae'ngae jija.

Mateo 19:27

Tsonsi Pedro su: —Na'su, ingija osha'cho ingi an'bian'choma catipa gi quei'ccu fae'ngae jacan'fa. ¿Jongoesuma gi isu'faya?

Mateo 19:29

Nane poiyi'cco majan tise'pa tsa'o, tise'pa quindya, quinshin, she'she, que'tte, yaya, mama, pushe, dushundeccuma tise'pa andema'qque catipa ñame in'jan'da, tsaja cien se ti'tsse tsu isu'faya. Toya'caen tsu tsangae ñotsse canse'faya.

Mateo 6:21

Mani que'i an'bian'cho ji'nijan tsenima qui ti'tsse in'jan'fa.

Lucas 14:33

Tsa'cansi que'i'qque majan tisumbe osha'choma chi'gambi'ta ñama shondo'suve daye osha'fambi qui.

Juan 6:35

Tsonsi Jesúsja su: —Ña gi cansiaña'cho pan. Majan ñani ji'chota tsu qquipoe'suya'bi. Majan ñame in'jan'chota minga'ni'qque tsaqquie'suya'bi.

Romanos 15:4

Pa'tssi osha'cho tayopi Chiga su'choma tsu tevaen'fa ingima atesiañe. Tsama camba gi qque'faya'bi. Avujatsse Chiga su'chove in'jamba gi ronda'je'fa tsa'caen daya'chove.

Colosa'su 2:3

Cristove in'jamba qui osha'cho ñotssia in'jan'choma, osha'cho Chiga in'janqque'suma'qque atesu'faya.

Colosa'su 3:16

Cristo su'cho que'i injama'choni can'jen'ninda ñotsse in'jan'faja. Tsa que'ima manda'ninda osha'choma in'jamba tisupapora ñotsse atesiamba candusiancco'faja. Fae'ngae settapoen'faja. Chigane settapoen'choma settapoen'da qui que'i injama'chone Chiganga ñotsse afa'fa.

Hebreo'su 10:34

Nane indiyepa piccoye'chondeccuma mende'yepa qui fuite'fa. Chigave in'jambindeqquia que'i an'bian'choma itsa'ni'qque qui toya injama'choni avujatssi'fa. Nane Cristo a'ive dapa osha'cho ti'tsse ñotssiama tsangae an'bian'faya qquen in'jamba qui avujatssi'fa.

Canjaen'cho 3:18

Tsa'cansi gi quema candusian ñotsse si'nge'ye sombo'je'cho corima ñanima chavaja. Nane tsa'caen ñanima chavapa qui ñoa'me ricove daya. Toya'caen ñanima totoa sarupama chavapa ondiccuja. Tsa'caen ondiccupa qui ño'ame dapa ansangembe'yi canseya. Toya'caen ñanima seje'pama chavapa que tso'fema pechaenjan ñoa'me atteye.