Mateo 13:35 - Cofán: Chiga Tevaen'jen

³⁵ Tsa'caen tsu atesian'jen tayopi'su Chiga Aya'fama afa'su qquen suqquia'caen tsoñe: Condase'chongaeyi gi condapa atesiaña. Andema agattointene condambi'choama gi ja'ño condaya.

Mateo 13:35 ပူးပေါင်းရင်းမြစ်များ

Salmos 49:4

Settapoen'choi'ccu condasesi paña'faja. Gitara'ca'ma jeñamba a'tutsse conda'choma gi a'tatsse afaya.

Salmos 78:2

Condase'choi'ccu gi condasepa atesiaña. Andema agattointene condambi'choama gi ja'ño condaya.

Isaías 42:9

Ña tayoe suqquia'caen tsu ja'ño tsa'caen tson. Nane ja'ño gi cuna tsoña'chove condaya cuintsu toya tsombi'te que'i tsane in'jan'faye.”

Amós 3:7

Nane Na'suja jongoesuve tson'jen'da tsu tise Aya'fama afasundeccunga conda.

Mateo 13:14

Tsendeccune tsu tayopi'su Chiga Aya'fama afa'su Isaíasja qquen su: Ñoa'me tsonsinai'ccu paña'ma qui in'jan'faya'mbi. Ñoa'me tso'fei'ccu atte'ma qui in'jan'faya'mbi.

Mateo 13:3

Condase'chongae osha'chone qquen atesian: —Jon'su gaiña jon'su ja.

Mateo 25:34

Tsa'caen attufaemba na'su tsu tise tansinfani ccutsu'chondeccuma suya: “Ña Yaya tsu que'inga ñotsse tson. Ji'faja. Jipa Tise que'imbe ñoña'choma isu'faja. Nane andeve agattointene que'i Tise aindeccuve daya'chove in'jamba ñoña'choma jipa isu'faja.

Mateo 5:2

tise'pama atesiañe ashaen:

Lucas 10:14

Tsa'ma injama'choma somboeña'cho a'ta napisi Tiro, Sidón canqquesundeccuja que'ima bove aiye'pambi'ccoe vana'faya.

Juan 17:24

Yaya, va ande meinte queja ñama in'jamba ñama ti'tsse'tssia've tson. In'jan gi cuintsu que in'jaensi ñame in'jan'chondeccu'qque ñai'ccu ña can'jeñani can'jemba que ñama ti'tsse'tssia've tson'choma atte'faye.

Tson'fa'cho 15:18

Toya a'i meinte tsa'caen da'faya'choma atesupa ya'caen tsu Na'suja su.

1 Corinto'su 2:7

Tsa'ma ingija Chiga tayoe condambeyi in'jan'choma in'jamba conda'fa. Toya andema agattoembi'te Chigaja in'jan tise ingima ccushaensi tsangae canse'faye. Tsama gi conda'fa.

Efeso'su 3:5

Chigaja tayopi'su a'inga condambi. Tsa'ma ja'ño Tise Qquendya'pai'ccu a'ima in'jaemba conda. Tise'be ño'a Jesúsne afasundeccuma, Tisema afasundeccuma'qque in'jaensi tsu atesu'fa.

Efeso'su 3:9

Ñama tsu manda ña candusiañe tsonsi cuintsu poiyi'cco a'i Chiga tayoe condambi'choave in'jan'faye. Tseyi Chiga andema agattointe Chigaja osha'choma in'jamba Tise in'jan'choma ni fae a'ingayi'qque condambi.

Hebreo'su 1:1

Tayopi Chigaja ccushaya'chone ingi tayopi'su israe'su coenzandeccunga condase'ñacca. Nane Chiga Aya'fama afasundeccuma in'jaensi tsendeccu tsu condase'fa. Cca'i Chiga Aya'fama afasundeccuma'qque ccaningae in'jaensi tsendeccu'qque tsane ti'tsse condase'fa.

Canjaen'cho 13:8

Nane poi andeni'su aindeccu tsu tsa dyo'ccoa cocoyama iñajan'fa. Toya andeve meinte Chigaja osha'choma in'jamba canseya'chondeccu tevaen'jema tevaen. Nane Tise'be Oveja pasi tise've in'jamba ccushaya'chondeccuma in'jamba tsa Ovejambe Canseya'chondeccu Tevaen'jenga tise'pa inisema tevaen. Tsa'ma poiyi'cco majambe inisema tseni tevaembi'choa tsu cocoyama iñajan'fa.

Canjaen'cho 17:8

Tsa que atte'cho cocoyaja tayoe tsu canse. Ja'ñojan me'i'on. Toya'caen ccase tsu ande tsosini'su chango'ye sombopa jiya. Jipa tise tsangae paya'chonga tsu jaya. Poiyi'cco va andeni can'jensundeccu, majan tise'pa inisema Chigambe Canseya'chondeccu Tevaen'jenga tevaengembi'ta tsa cocoyama can'boemba tsu asi'ttaen'faya. Nane toya andeve meinte Chigaja tsangae canseya'chondeccuma tsa tevaen'jenga tevaen. Tsa'ma va tevaengembindeccuja tsa tayoe cansepa, ja'ño me'i'a'ñe, ccase jiya'cho cocoyama attepa can'boemba asi'ttaen'faya.