Mateo 12:18 - Cofán: Chiga Tevaen'jen

¹⁸ Vaja ñambe sema'su. Tisema gi ttu'se. Tisema in'jamba tsa'caen ttu'sepa gi avujatssi. Ña Qquendya'pai'ccu gi tisema in'jaeña cuintsu tiseja poi ande'su aindeccunga ña ccushaen'choma condaye.

Mateo 12:18 ပူးပေါင်းရင်းမြစ်များ

Salmos 89:19

Tayopi queja queve in'jan'cho shondosundeccunga attiamba conda: “Ñambeve gi ña aindeccu'su dyombi'tssia tsandie chu'ama ttu'se. Ttu'sepa gi tisema fuitepa joccapitssia've tson.

Isaías 11:2

Na'su Chiga Qquendya'pa tsu tisei'ccu tsangae can'jemba in'jaeña cuintsu osha'choma atesupa in'jañe. Qquendya'pa can'jensi tiseja cca'ima ñotsse in'jaemba tansintsse mandapa Na'su Chigama ñotsse in'jamba dyoe'sui'ccuyi paña'jeña.

Isaías 42:1

“Va'tti tsu ñama shondo'su. Ñajan tisema ñambeve attufaemba angacamba quiñaen. Nane tisei'ccu gi avujatssi. Ña qquendya'pai'ccu tisema in'jaensi tsu poi ande'su aindeccuma ñotsse mandaya.

Isaías 52:13

Ñama shondo'suja ñotsse tsu tsoña. Tisema ti'tsse'tssia've tsonsi tsu ñoa'me joccapitssiya.

Isaías 53:11

Injama'choni tsain'bitsse vana'jemba tsu ccase qquendyapa cansepa avujatssiya. Na'suma ño'an shondo'suja tsa'caen atesupa tsain'bio a'ima ccushaemba ño'ame tsomba tise'pa egae tsincon'choma angapa catiya.

Mateo 12:17

Qquen tsu Jesús manda, tayopi'su Isaías, Chiga Aya'fama afapa qquen su'choma canjaeñe:

Mateo 17:5

Pedro toya afa'je'ni unjimba tototssia ccuttopa'sia'caen tise'pama picco. Tsonsi ccuttopa'si'ye aya'faja su: —Vaja ña in'jan'cho Dutssi'ye. Tisema gi ñotsse in'jan. Tisema paña'faja.

Marcos 1:11

Tsa'caen andeji'ni Jesús sefaccone afa'choma paña qquen su'choma: —Que qui Ña Dutssi'ye, Ña In'jan'cho. Quene gi avujatssi.

Marcos 9:7

Qquen su'je'ni unjimba'cco tise'pama picco. Piccosi tsa unjimba'cco'ye aya'fa afa'choma paña'fa qquen su'choma: —Va tsu ña in'jan'cho Dutssi'ye. Tisema paña'faja.

Lucas 23:35

Aindeccuja can ccutsu'fa. Toya'caen nasundeccuja tisema afase'fa qquen supa: —Tiseja faesuma ccushaen. Cuintsu faesuma ccushaenqquia'caeñi tisuma'qque tsa'caen ccushaenjan. Tiseja ñoa'me Chiga in'jan'cho Cristota tsa'caen tsu canjaeña'cho.

Lucas 3:22

Fettasi Chiga Qquendya'pa ppuppuju'choa'caen attiamba Jesúsnga ande. Tsonsi sefaccone afa'choma paña'fa qquen su'choma: —Que qui ña in'jan'cho Dutssi'ye. Ñoa'me gi quema ñotsse in'jan.

Lucas 4:18

Chiga Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Ñama manda cuintsu binindeccu atte'faye. Ña gi noñangiañesundeccuma ccushaeña.

Lucas 9:35

Ccuttopa'si'ye aya'faja qquen afa: —Vaja ña in'jan'cho Dutssi'ye tsu. Tisema paña'faja.

Juan 3:34

Nane Chigaja Tise Qquendya'pai'ccu se'pimbe'yi Tise moen'cho Jesúsma in'jaensi tsu pa'tssi Chiga Aya'fama afa'je.

Tson'fa'cho 10:38

Toya'caen qui paña'fa ma'caen Chiga Quitsaja Tise Qquendya'pai'ccu Jesús Nasareno'suma in'jaensi tiseja ñotsse tsoñe jacamba poiyi'cco cocoya na'su vanaen'jendeccuma ccushaen. Chiga tisei'ccu can'jensi Jesúsja tsa'caen tson.

Tson'fa'cho 11:18

Tsonsi Pedro condase'choma pañamba ccaningae afambe'yi Chigane ñotsse afapa su'fa: —Ja'ño gi atesu'fa. Chigata tsu israembindeqquianga'qque egae tsincon'choma antteye in'jaña'chove afe cuintsu tsangae canse'faye.

Tson'fa'cho 14:27

Tseni Antioquíani napipa Jesúsve in'jamba bo'je'chondeccu bo'faye ttu'se'fa. Ttu'se boñamba condase'fa ma'caen Chiga Quitsa tise'pai'ccu osha'chove tson'choma. Toya'caen conda'fa ma'caen Chiga Quitsa anttesi israembindeqquia'qque Jesúsne pañamba in'jan'fa'choma.

Efeso'su 1:6

Ingija Tise in'jan'cho Dutssi'yei'ccu fae'ngae jincho'fasi Chigaja anttembe'yi ingima ñoa'me ñotsse tson'jen. Tsa'caen ñotsse tson'jensi gi Tisema ñotsse afa'fa.

Colosa'su 1:1

Chiga ñama ttu'sesi gi ña Pablo Cristo Jesúsne afa'su. Ñajan faenga'su Timoteoi'ccu

Colosa'su 1:13

Chigaja sinttia'su na'su Satana'ñe ingima ccushaemba Tise in'jan'cho Dutssi'ye Na'su Jesúsnga ingima ca'nian.

1 Pedro 2:4

Na'sunga catse'faja. Tiseja cansia patiaca'on tsu. A'ija tisema chi'ga'fa. Tsa'ma tisenejan ñoa'me ñotsse attiansi Chigaja tisema in'jamba isu.

2 Pedro 1:17

Chiga Quitsa tisema ñotsse tsonsi Jesúsja ti'tsse'tssia've da. Nane Tise ti'tsse ñotssiaye Chigaja qquen afa: “Va tsu ña in'jan'cho dutssi'ye. Tisene gi avujatsse.”