Mateo 11:28 - Cofán: Chiga Tevaen'jen

²⁸ Ñani ji'faja poiyi'cco que'i majan semamba vanasundeccu. Ñani jisi gi que'ima ño'faeña.

Mateo 11:28 ပူးပေါင်းရင်းမြစ်များ

Salmos 32:4

A'ta, cose'qque qui que tivei'ccu ñama pisachoqquia'caen ñama quimbian. Nane te'ta coe'jenga pandiqquia'caen gi quimbi.

Isaías 1:4

¡Va'cha qui, egae tsinconsundeccu! Tsain'bio shacave qui andu'choma'caen andu'fa. Que'i yayandeccu egae tsincon'fasi que'i'qque in'jangae tson'jen'fa. Na'su'ye qui joqquitssi'fa. Nane Israel joccapitssia Chiga'ye attufapa qui tisema cati'fa.

Isaías 11:10

Banderama jangiansi a'i tsanga boqquia'caen tsu tsequi a'ta va Isaí setsa'cho'su shoyo'cho attiansi poiyi'cco a'i tisenga bo'faya. Nane poi ande'su aindeccu tsu tise've tta'tta'faya. Tise can'jeña'ttija tise a'tatssiai'ccu ñoa'me ñotssiya.

Isaías 61:3

Ñama tsu manda Zión canqque'su ñombi'yesundeccuma cusepa'ye somboemba ño'an otifaccuma afeqquia'caen afeye. Ñama tsu manda ina'jen'choma samboemba ñome'bai'ccu ño'mianqquia'caen avujaeñe. Toya'caen ñama manda oshambipa noñangiañe'suma avujaensi cuintsu settapoen'faye. Tisema tsu “Ta'etssia ñotssia quini'cco” qquen afa'faya. Nane Na'su Chiga tise'pama jonsi tsu tise ñotssiama canjaen'faya.

Isaías 66:2

¡Nane ña gi osha'chove agattoen'su! Ña agattoensi tsu osha'choja jincho. Qquen gi ña, Na'suja su.”

Mateo 11:29

Ñai'ccu fae'ngae semamba ñama atesupa ti'tsse in'jan'faja. Nane ña injama'choni gi iyu'upa patsumbe'yi que'ima ñotsse atesiaña. Ñai'ccu semamba qui que'i injama'choma'qque ño'faen'faya.

Mateo 23:4

Andu'cho tssai'ama andianqquia'caen osha'cho manda'choi'ccu aindeccuma tsain'bitsse vanaen'fa. Vana'jemba tsoñe osha'fambisi atesiansundeccuja ni fae tsimian'ccoi'ccuyi'qque fuite'fambi.

Juan 6:37

Poiyi'cco ña Yaya ñanga afe'cho a'ija ñanga tsu ji'faya. Ñanga ji'chomajan tteyaya'bi gi.

Juan 7:37

Fiesta pasaya'cho a'ta tsu ñoa'me ti'tsse'tssia fiesta a'ta. Tsequi a'ta Jesúsja jangi ccutsupa quia'me afa: —Majan tsaqquie'su'ta ñani jipa cu'ija.

Tson'fa'cho 15:10

Tsa'can'ma ¿jongoesie qui que'ija ja'ño Chiga tson'choma in'jambipa Moisés manda'choma israembindeqquianga'qque manda'fa? Tsata tsu tssai'a andu'choma anduqquia'can. Nane ingi ni ingi tayopi'su coenzandeccu'qque va manda'choma tsoñe osha'fambi.

Tson'fa'cho 20:35

Tsa'caen gi que'ima atesian semamba tsu mendeqquiama fuiteya'cho. In'jan'faja Na'su Jesús qquen su'choma: “Afe'su tsu isu'suma ti'tsse avujatsse afeya'cho.”

Galacia'su 5:1

Cristoja manda'cho patrón'ñe ingima ccushaen cuintsu ccushapa tsa'caen canse'faye. Ccushaensi tsa'caen canse'faja. Tisuma ccase afejama manda'cho que'ima ccase indiqquia'caen mandasa'ne.

2 Tesalónica'su 1:7

Toya'caen que'i vanasundeccuma'qque ingi'ccu fae'ngae ño'faemba tsu tansintsse tsoña. Nane tsequi a'ta Na'su Jesús tise quin'an sefani'su shondosundeccui'ccu sefaccone attiamba tsu si'nge anchanda'je'choi'ccu jipa

Hebreo'su 4:1

Tsa'ma Chiga Tisei'ccu ca'nimba tsangae opatsse can'jeñe ñoa'me su'cho toya pasambi'te jinge dyoe'sui'ccu Tise've in'jan'faye. Injama'tse, majan que'i'su shacasi israendeccuma se'piqquia'caen Chiga que'ima'qque ca'niñe se'pisa'ne.

Canjaen'cho 22:17

Chiga Qquendya'pa, Ovejambe pushe'qque tsu su'fa: —¡Jija! Poiyi'cco pañasundeccu'qque tsu su'fa: —¡Jija! Nane poiyi'cco majan tsa'qquie'su'ta tsu jiya'cho. Majan in'jan'da tsu Cansiaña'cho Tsa'ccuma cu'iya'cho. Aqquia afe'cho tsu.