Marcos 9:17 - Cofán: Chiga Tevaen'jen

¹⁷ Tsonsi fa'e tse'tti canjen'suja su: —Atesian'su, vani gi i ña du'shuma, cocoya ca'nisi ayafambie da'choma.

Marcos 9:17 ပူးပေါင်းရင်းမြစ်များ

Mateo 12:22

Tsonsi Jesúsnga cocoya ca'ni'choma i'fa. Cocoya tisenga ca'nisi binimba afaye oshambi. Jesús tisema ccushaensi ayafambija afa. Afapa atteye'qque osha.

Mateo 17:15

iñajan: —Na'su, ña dutssi'yema mende'yeja. Shanccopajasheve da'cho tsu. Ñoa'me tsu vana'jen. Cunshomboen dapa si'ngenga amppi'pa. Na'enga'qque amppi'pa.

Mateo 9:32

Jesús tsao'ye sombo jisi cca'indeccu cocoya ca'ni'choma tisenga i'fa. Cocoya ca'nisi tsa a'i ayafambie da.

Marcos 10:13

Tsonsi Jesúsnga dushundeccuma i'fa cuintsu Jesús pporaeñe. Tsa'ma tsa'caen iña'fasi Jesúsma shondosundeccu iyu'u'fa.

Marcos 5:23

—Ña onque'nge tsu paye tson'jen. Jipa que tivei'ccu pporaenjan cuintsu ccushapa canseye.

Marcos 7:26

Tsa pushesuja griego a'i Sirofenisia andenga isu'cho. Tsa jipa Jesúsma iñajan cuintsu tise onque'nge'ye cocoyama joqquitssiañe.

Marcos 9:16

Chigambian nanimba Jesúsja tisema shondosundeccuma iñajampaña: —¿Jongoesu qquen qui condase'fa jondeccui'ccu?

Marcos 9:18

Nane tise mani jaca'ni'qque cocoya indisi andenga amppi. Amppipa tse'ttinga aya'fae'qque ttottomboemba tte'ttoma tsai indipa ai'vo ishopa pa'je. Tayo gi iñajan quema shondosundeccu cuintsu cocoyama joqquitssiañe. Tsa'ma osha'fambi.

Marcos 9:25

Tsa'caen su'je'ni ti'tsse'o a'i bojisi Jesús attepa cocoyama iyu'upa su: —Cocoya, ayafambie, tsonsinambie tsonqque'su, ña gi manda joqquitssija va du'shu'ye. Ccatsse tisenga ca'nijama.

Lucas 11:14

Ayafambie da'choma Jesúsja cocoyama joqquitssian. Cocoya joqquitssisi afa'jembi'choa afa'jesi poiyi'cco a'i can'boen'fa.

Lucas 9:38

Fa'e tse'tti can'jen'choja fundondo'e afa: —Atesian'su, chigáne ña du'shuma mende'yeja. Ña dutssi'yeja fae'ccoa tsu.

Juan 4:47

Tsa a'ija Jesús tayo Judeane sombopa Galileani ji'choma paña. Pañamba jipa Jesúsma su cuintsu japa tise dutssi'yema ccushaeñe, tayo paye tson'jensi.