Marcos 8:11 - Cofán: Chiga Tevaen'jen

¹¹ Tseni napisi fariseondeccu jipa Jesúsi'ccu condaseye ashaen'fa qqueñañe in'jamba. Tsa'caen in'jamba iñajan'fa cuintsu sefacconi'su canjaen'choma canjaeñe.

Marcos 8:11 ပူးပေါင်းရင်းမြစ်များ

Éxodo 17:2

Tsa'cansi tsu aindeccuja Moisési'ccu qquen afacco'fa: —¡Tsa'ccuma afeja ingi cui'ye! Tsonsi Moisésja su: —¿Jongoesie qui ñai'ccu afacco'fa? ¿Jongoesie qui Chigama noñangiancán'fa?

Éxodo 17:7

tsa'caen tsomba tse'ttima Meriba qquen inisian. Nane israendeccu afacco'fattisi tsa'caen inisian. Toya'caen Masah qquen inisian, israendeccu Chigama noñangiamba'ttisi. Nane noñangiancamba tsu qquen su'fa: “¿Can'jen miconde Na'su Chigaja ingi'ccu? ¿Tsambi'ta me'in?”

Mateo 12:38

Tsonsi majan Chiga Tevaen'jema atesusundeccu fariseondeccu'qque Jesúsma su'fa: —Atesian'su, sefacconi'su canjaen'choma canjaenjan ingi atte'faye.

Mateo 19:3

Majan fariseondeccu Jesúsma qqueñañe in'jamba jipa iñajampaña'fa: —¿Manda'chota ti se'pi tsandie jongoesuve in'jan'da tise pushema catiye?

Mateo 21:23

Chiga ettini ccase ca'nimba Jesús a'ima atesian'jen. Atesian'jensi Chigama afa'su nasundeccu, israendeccu coenzandeccu'qque tiseni jipa qquen iñajampaña'fa: —¿Majan na'su in'jaensi qui queja tsa'caen tsincon? ¿Majan tsu quema manda antte na'sia'caen mandaye?

Mateo 22:15

Jesús qquen atesiansi fariseondeccu pañamba japa tisupanaccui'ccu condasecco'fa. Condaseccopa tta'tta'fa ma'caen aya'fa su'choi'ccu Jesúsma qqueñamba shacapave atteye.

Mateo 22:18

Tsa'caen Jesúsma qqueñañe iñajampañasi Jesúsja tise'pa egae in'jan'choma in'jamba qquen tise'pama su: —Que'ija ño'ame attianqquia'caen afopoensundeccu qui. ¿Jongoesie qui ñama qqueñañe in'jamba ya'caenjan iñajampaña'fa?

Mateo 22:23

Toya'caen tsequi a'ta majan saduseondeccu Jesúsma can'su ji'fa. Saduseondeccuja a'i papa ccase qquendyaya'chone in'jan'fambi. Tsa'caen in'jambipa Jesúsni jipa

Marcos 12:15

Tsa'ma Jesúsja tise'pa aqquia afa'fa'choma atesupa su: —¿Jongoesie qui ñama qqueña qquenjan tson'jen'fa? I'faja corifin'dima ña atteye.

Marcos 2:16

Tsonsi Chiga manda'choma atesiansundeccu, fariseondeccu'qque tsama attepa Jesúsma shondosundeccuma iñajampaña'fa: —¿Micomba tsu que'ima atesian'suja va impuestoma isusundeccui'ccu, egae tsinconsundeccui'ccuja amba cui'je?

Marcos 9:16

Chigambian nanimba Jesúsja tisema shondosundeccuma iñajampaña: —¿Jongoesu qquen qui condase'fa jondeccui'ccu?

Lucas 10:25

Tsonsi Chiga manda'choma atesu'cho jangi ccutsupa Jesúsma qqueñañe in'jamba su: —Na'su, ¿jongoesuma gi tsoña tsangae canseye'ta?

Lucas 11:16

Tsa'ma cca'indeccuja Jesúsma qqueñañe in'jamba tisema iñajan'fa cuintsu sefacconi'su canjaen'choma canjaeñe.

Juan 4:48

Tsonsi Jesúsja su: —¿Que'ija ccushaemba canjaen'choma attembi'ta ti qui in'jan'faya'bi?

Juan 6:30

Tsonsi iñajampaña'fa: —¿Jongoesu canjaen'choma qui canjaeñe osha ingi attepa in'jañe? ¿Jongoesuma qui tsoña?

Juan 7:48

Ni fae'ccoyi'qque ingi nasundeccu ni fariseondeccu va a'iveja in'jan'fambi.

Juan 8:6

Tise'paja tsa'caen su'fa Jesúsma qqueñañe in'jamba tise jongoe qquen su'nijan tsai'ccu afopoeñe. Tsonsi Jesúsja puntssamba andenga tivei'ccu tevavaen dyai.

Tson'fa'cho 5:9

Tsonsi Pedroja su: —¿Jongoesie qui que'ija fae'ngae Na'su Chiga Qquendya'panga ya'caen afopoen qquen tson'jen'fa? Que canjan. Tsotefae tsu jiña'fa que tsa'nduma atusundeccu. Quema'qque tsu anga'faya.

1 Corinto'su 10:9

Na'su Chigama iyicca'yian qquen tsonjama. Majan ingi tayopi'su coenzandeccu tsa'caen tsonsi Chigaja iyoi'ccu tise'pama fi'tti.

Deuteronomio 6:16

Qqueñacan qquen tson'fajama Na'su que'i Chigama Masahni can'jemba tson'faqquia'caen.