Marcos 7:7 - Cofán: Chiga Tevaen'jen

⁷ Aqquia tsu Ñame in'janqquia'caen tsincon'fa. Nane tise'pa atesian'jen'cho aqquia a'i in'jamba manda'choma tsu atesian'jen'fa.

Marcos 7:7 ပူးပေါင်းရင်းမြစ်များ

Isaías 29:13

Toya'caen Na'su Chigaja ñanga qquen su: “Va aindeccu aya'fai'ccu ñame in'jan qquen su'fa. Nane tise'pa su'choi'ccu ñanga ñotsse afa'fa. Tsa'ma tise'pa injama'choni ñama chi'ga'fa. A'i in'jamba afa'choma pañamba tsa'caen afa'fa ñama iñajañe. Nane in'jambe'yi injanga afa'choi'ccu afa'fa.

Mateo 15:9

Injanga tsu ñama iñajamba ñotsse afa'fa. Tise'pa atesian'cho'qque a'i asi'ttaemba manda'cho tsu.

Mateo 6:7

Chigama iñajan'jen'da panshaen toeveyi injanga afa'fajama. Chigave atesumbindeqquiaja tsa'caen afa'fa. Ti'tsse toeveyi afasi Chiga ti'tsse paña qquen in'jamba tsa'caen afa'fa.

1 Corinto'su 15:14

Cristo toya ccase qquendyambie'can'da ingi candusian'choja barembiye'can tsu. Que'i Cristove in'jan'cho'qque barembiye'can tsu.

1 Corinto'su 15:58

Tsa'cansi, in'jan'cho faengasundeccu, dyombe'yi ta'etsse in'jan'faja. Na'su sema'bama quinsetsse sema'faja. Nane que'ija atesu'fa qui Na'su Cristone semasi Tise que'ima fuitesi qui injanga sema'fambi.

Colosa'su 2:22

Osha'cho tise'pa se'pi'cho tsu aqquia congomba sefaqque'suve se'pi. Aqquia a'i tsa'caen nafattiamba atesian'cho tsu.

Titonga 3:9

Tsa'ma tsa'caen candusiamba sumbi condase'fa'choma chi'gaja. Nane majan a'ija tayopi'su coenzandeccumbe inisema tevaen'chone condaseccopa patsuye afa'je'fa. Tsendeccui'ccu fae'ngae afaccojama. Toya'caen Chiga manda'cho ccaningae in'jan'chone afacco'fa'choma chi'gaja. Tsa'caen afacco'choja ñoa'me barembi tsu. A'ima fuiteye oshambi.

Santiago 1:26

Majan a'i: “Ña gi Chiga a'i” qquen supa tsa'ma tise aya'fai'ccu injanga afa'ta, tisuveyi afopoensi tise Chiga a'i qquen attian'choja barembi.

Santiago 2:20

¡Sumbi! ¿Atesumbi ti qui? A'ija tisu tson'choma canjaembipa aqquiayi Cristove in'jan qquen su'ninda pa'choa'caen barembi tsu tise in'jamba su'choja.

Canjaen'cho 22:18

Candusiamba poiyi'cco va Chiga Aya'fa su'cho tevaen'jema pañasundeccunga gi conda: Majan a'i va su'choma cambiamba ti'tsse afa'ninda Chiga tsu tisema ti'tsse vanaeña. Osha'cho va tevaen'jen su'cho vanaen'jen'choi'ccu tsu tisema vanaeña.