Marcos 6:15 - Cofán: Chiga Tevaen'jen

¹⁵ Cca'indeccuja su'fa: —Tayopi Chiga Aya'fama afa'su Elías tsu. Toya'caen cca'indeccuja su'fa: —Faesu Chiga Aya'fama afa'su tsu, tayopi Chiga Aya'fama afasundeqquia'can.

Marcos 6:15 ပူးပေါင်းရင်းမြစ်များ

Malaquías 4:5

“Que canjan: Na'su a'taja ñoa'me dyoqque'su a'ta tsu. Tsa'ma toya jimbi'te gi ña Aya'fama afa'su Elíasma moeña.

Mateo 16:14

Tise'paja su'fa: —Majandeccu'ta tsu su'fa: “Feti'su Juan.” Cca'ija: “Tayopi'su Elías.” Cca'ija: “Tayopi'su Jeremías.” Tsambi'ta: “Tayopi'su Chiga Aya'fama afa'su,” qquen tsu su'fa.

Mateo 21:11

Cca'indeccuja su'fa: —Vaja Chiga Aya'fama afa'su Jesús tsu. Galilea ande'su Nasaret canqque'su Chiga Aya'fama afa'su tsu.

Marcos 6:16

Qquen su'fasi Herodes pañamba su: —Va a'ija Juan. Ñajan tise tsovema chattuye mandasi chattupa fi'tti'fa. Tsa tsu ccase qquendya.

Marcos 8:28

Qquen susi tise'paja su'fa: —Majandeccuta tsu su'fa, Feti'su Juan. Cca'ija su'fa, tayopi'su Elías. Toya'caen cca'ija Chiga Aya'fama afa'su qquen tsu su'fa.

Lucas 1:17

Tiseja Na'suma o'tie tsu jiya. Tayopi'su Chiga Aya'fama afa'su Elías injama'choma an'bianqquia'caen tise'qque osha'choma oshaya. Tiseja aindeccuma in'jaeña cuintsu yayandeccu tise'pa dushundeccuma in'jan'faye; cuintsu egae tsinconsundeccu'qque ño'a a'i in'jan'chove ttatta'faye. Tsa'caen aindeccuma in'jaensi tise'paja Na'suma shondo'faya.

Lucas 7:16

Poiyi'cco a'i tsama attepa ñoa'me dyo'fa. Tsa'ma Chigama ñotsse afapa su'fa: —Joccapitssia Chiga Aya'fama afa'su tsu inginga attian. Toya'caen tsu su'fa: —Chigaja Tise aindeccuma in'jamba fuiteye ji.

Lucas 7:39

Pushesu tsa'caen tsonsi Jesúsma ttuse'su fariseoja attepa tisu injama'choni asi'ttaen: “Va a'ija ñoa'me Chiga Aya'fa afa'suta tsu tisema pporaen'su pushesuma atesuya. Nane pushesu ma'caen egae tsincon'choma tsu atesuya.”

Lucas 9:19

Tise'paja su'fa: —Majanda tsu su'fa: “Feti'su Juan.” Cca'ija: “Tayopi'su Elías.” Cca'ija: “Tayopi'su Chiga Aya'fama afa'su ccase qquendya'cho.”

Lucas 9:8

Cca'indeccuja: “Tayopi'su Chiga Aya'fama afa'su Elías tsu attian” qquen tsu in'jan'fa. Toya'caen: “Tayopi'su Chiga Aya'fama afa'su ccase qquendya,”

Juan 1:21

Qquen susi iñajampaña'fa: —Tsambi'ta ¿majan qui queja? ¿Que ti qui Chiga Aya'fama afa'su Elías? Juanjan su: —Tsambi gi. Omboe iñajampaña'fa: —¿Que ti qui ingi ronda'je'cho Chiga Aya'fama afa'su? Ccase tsu Juanjan su: —Me'i.

Juan 1:25

qquen iñajampaña'fa: —Tsa'caen Cristombi'ta ni Elíasmbi'ta ni ingi ronda'je'cho Chiga Aya'fama afa'sumbi'ta, ¿jongoesie qui feti'je?

Juan 6:14

Tsonsi a'ija Jesús va canjaen'choma attepa su'fa: —Ñoa'me tsu va a'ija Chiga Aya'fama afa'su jiya'cho qquen su'cho.

Juan 7:40

Vama pañamba majan aindeccuja su'fa: —Ñoa'me tsu va a'ija Chiga Aya'fama afa'su jiya'cho.

Juan 9:17

Tsomba ccase tayoe binima iñajampaña'fa: —Queja ¿jongoe qquen qui suya que tso'fema ccushaen'sumajan? Tiseja su: —Chiga Aya'fama afa'su tsu.