Marcos 5:40 - Cofán: Chiga Tevaen'jen

⁴⁰ Tsa'caen susi tsendeccuja feña'fa. Feñasi Jesús poiyi'ccoma manda cuintsu sombo'faye. Tsomba du'shumbe yaya, du'shumbe mama, tisei'ccu ji'fa'chondeccui'ccuyi ca'ni'fa du'shu pa'cho ccuini.

Marcos 5:40 ပူးပေါင်းရင်းမြစ်များ

Génesis 19:14

Tsa'caen susi Lotja tise dusundeccunga japa conda. Nane tayo tsu antteye su cuintsu tsendeccu tise onquengendeccuma pusheye. Tise'pama su: —Jangipa va'ttie joqquitssipa ja'faja. Ñoa'me tsu Na'su Chiga va canqquema sefaen catiye tson'jen. Tsa'ma tise dusundeccu pañambipa feña'fa.

Nehemías 2:19

Tsa'ma Sanbalat, tsa horón a'i, Tobías, tsa amonita na'suma shondo'su, toya'caen Gesem, tsa árabe a'i, ingi tsoña'choma pañamba ingima feñamba afasepa su'fa: —¿Micon qquen qui tson'jen'fa? ¿Isha qui na'su Artajerjes'ye somboye in'jamba tson'jen'faya?

Job 12:4

Egae tsincombi gi ni shacave an'biambi. Tayoe ñajan Chigama iñajansi tiseja ñama paña. Tsa'ma ja'ño ña amigondeccu'qque ñama afasepa feña'fa.

Salmos 22:7

Poiyi'cco ñama attepa afase'fa. Ziñomba fi'ttiqquia'caen tsovema fenonomba su'fa:

Mateo 15:11

Me'i tsu a'i aña'choma ansi injama'choma dañoñe. Tsa'ma egae in'jamba afasi egae afa'je'cho tsu tise injama'choma dañoña.

Mateo 7:6

¿Osha'cho Chiga etti'sumanda ti ainga afeqque'su? ¿Ñoa'me bare'cho moyo ti cochinga afeqque'su? Me'i. Tsa'caen afeqquia'caen a'i in'jambinga osha'cho Chiga Ayafa'su ñotssiama condase'masia. Ain piyipa sinttuqquia'caen tsu quema catsepa iyicca'yeya.

Marcos 5:39

Tsa'onga ca'nimba Jesúsja su: —¿Jongoesie qui qquejian'fa? ¿Jongoesie qui ina'jen'fa? Va du'shuja pambe'yi ana'jen.

Marcos 5:41

Ca'nimba Jesúsja du'shumbe tive'ye indipa su: —Tarita comi (Qquen tsu su: Du'shu, quema gi su, Jangija).

Lucas 16:14

Fariseondeccuja tsain'bitssi corifin'dive in'jañe atesuchopa Jesús su'choma pañamba tisema feña'jen'fa.

Tson'fa'cho 17:32

Tsa'caen Pabloja pa'choma ccase qquendyaen'chone afasi majan pañasundeccuja feña'fa. Tsa'ma cca'indeccuja su'fa: —Jai'ngae gi tsane ccase paña'faya.