Marcos 5:35 - Cofán: Chiga Tevaen'jen

³⁵ Tsa'caen Jesús toya afa'je'ni atesian'jen'tti'su na'su tsaone ji'fa. Jipa Jaironga su'fa: —Tayo tsu que onque'ngeja pa'ya. Tayo pa'nijan ¿jongoesie qui ti'tsseja na'suma noñagian?

Marcos 5:35 ပူးပေါင်းရင်းမြစ်များ

Mateo 26:10

Qquen asi'ttaen'jen'fasi Jesús atesupa tise'pama su: —¿Jongoesie qui va pushesuma noñangian'fa? Ñoa'me ñotsse tsu tiseja ñama tson.

Mateo 26:18

Qquen iñajampañasi tsu su: —Jerusaléni ca'nimba ingi in'jan'chonga japa su'faja: “Atesian'su tsu quema su: Tayo tsu ña hora napiji. Tsa'cansi gi ñama shondosundeccui'ccu Chiga panshaen'cho injienge'cho aña'choma que tsa'onga añe in'jan.”

Mateo 9:18

Jesús tsa'caen atesian'jen'ni fa'e israe'su na'su tisenga jipa andenga ccarupa iñajan: —Tayo tsu ña onque'nge pa. Tsa'ma que jipa que tivei'ccu tisema pporaenjan. Pporaensi tsu ccase qquendyaya.

Marcos 10:17

Tsa'caen afa nanimba Jesús jaye tson'jen'ni fae tsandie buttopa jipa Jesús tsovejufanga ccaru dyaipa iñajampaña: —Ño'an atesian'su, ¿ma'caen gi tsoña tsangae canseyeja?

Marcos 5:22

Tseni can'jen'ni fae'cco, Chiga manda'choma atesian'jen'tti'su na'su, Jesúsnga ji. Tise iniseja Jairo. Jipa Jesúsma attepa tise tsutteccofanga amppi ccui. Amppi ccuipa tsain'bitsse iñajamba su:

Lucas 8:49

Jesús toya pushesui'ccu condase'je'ni faesu a'i na'su Jairo tsaone jipa Jairoma su: —Tayo tsu que onque'ngeja pa'ya. Ti'tsse atesian'suma noñangiambe ántteja.

Juan 11:21

Cachuipa Martaja Jesúsnga su: —Na'su, va'tti que can'jen'choecan'da meinte tsu ña quinshi'ñejan paye'can.

Juan 11:25

Tsonsi Jesúsja su: —Ña gi qquendyaen'su, cansian'su. Majan ñama in'jan'chota tsu pa'a'qque ccase qquendyaya.

Juan 11:28

Tsomba Marta tise que'tte Maríama ttuse'su japa a'tutsse su: —Atesian'su tsu tayo jipa queve ttuse'je.

Juan 11:32

Tsonsi Maríaja ingi can'jeni napipa Jesús tsutteccofanga ccaru dyaipa su: —Na'su, va'tti que can'jen'choecan'da meinte tsu ña quinshi'ñejan paye'can.

Juan 11:39

Jesúsja su: —Joqquitssian'faja patuma. Marta, pa'chombe sheshe'yeja su: —Na'su, tayo tssu'jutssiya tsu. Cuatro a'ta tsu tise pa'choja.

Juan 5:25

Ñoa'me gi su: Tayo tsu napiji paya'chondeccu Chiga Dutssi'ye aya'fama paña'faya'cho. Nane ja'ño tsu paña'jen'fa. Majan paña'da tsu canse'faya.