Marcos 3:9 - Cofán: Chiga Tevaen'jen

^9-10 Jesús tsain'bio a'ima ccushaensi attepa faesu pajisundeccu'qque tisema pporaeñe ji'fa pporaemba ccushaye. Tsa'caen ji'fasi Jesúsja tisema shondosundeccuma manda cuintsu shavoma i dusiamba ronda'je'faye a'i panshaen bosi tsanga otseya'choe.

Marcos 3:9 ပူးပေါင်းရင်းမြစ်များ

Mateo 15:39

An nanimba Jesús poiyi'cco a'ima mandamañamba tise'qque shavonga otsepa Magdala andeni ise'fa.

Marcos 4:1

Tsomba ccase Jesús mar otafanga japa atesiañe ashaen. Tseni jasi tsain'bio a'i tisenga bo'fa. Panshaen bo'fasi Jesús marni duse'cho shavonga otsepa dyai. Jesús tsa'caen otsesi a'ija sa'ani ccutsu'fa.

Marcos 4:36

Qquen supa Jesúsja toya shavo duse'choni dyaisi bo'fa'choma catipa tisema anga'fa. Toya'caen cca'indeccu faesu shavongae fae'ngae ja'fa.

Marcos 5:2

Ccattufapa shavo'ye sombosi fae a'i cocoya ca'ni'cho Jesúsnga ji. Nane tsa tsandieja ayama atú'ttini can'jemba ji. Tiseni cocoya can'jensi a'ija tisema tandañe osha'fambi. Ni candenai'ccu tandañe osha'fambi.

Marcos 5:30

Tsa'ma Jesús'qque tisu ccushaen'choma atesupa piyicamba iñajampaña: —¿Majan tsu ña ondiccu'jema pporaen?

Marcos 6:32

Tsa'cansi Jesús tisema shondosundeccui'ccu tisupayi shavongae ja'fa a'i menia.

Lucas 5:1

Fae a'ta Jesúsja Genesaret mar otafani ccutsupa candusian'jen. Tisema pañañe in'jamba aindeccuja panshaen catse'fa.

Lucas 5:3

otse. Otsepa Jesúsja shavo na'su Simónma afa cuintsu otafane re'riccoe cataemba duseye. Tsonsi shavoccunga dyaipa a'ima atesian'jen.

Juan 6:15

A'ija Jesúsma na'suve tsoñe indiye in'jan'fa. Tsa'ma Jesúsja tise'pa in'jan'choma atesupa ccuyapa ansunde ccotta'cconga tisuyi.