Marcos 3:3 - Cofán: Chiga Tevaen'jen

³ Tsonsi Jesús tive dañonge'choma su: —Jangipa jipa ccutsuja enttingenga.

Marcos 3:3 ပူးပေါင်းရင်းမြစ်များ

Isaías 42:4

Quimbiya'bi ni ñombi'yeya'bi poi andema ñotsse tansintsse mandaya'ngae. Nane mar'su anttepo'cho'su aindeccu'qque tise ñotsse mandaya'chove ronda'je'fa.”

Daniel 6:10

Tsa'caen mandapa na'su tisu inisema tevaen'choma in'jamba Danielja tisu tsaoni ja. Japa tisu anambaccunga ca'nimba Jerusalén canqque jinfa'su ventanama fettapa ccaru dyai Chigama iñajamba tisenga ñotsse afaye. Tsa'caen tsu fae a'ta tres se Chigama iñajamba canse.

Mateo 12:10

Ca'nisi fae tsandie tive dañonge'cho'qque tseni can'jen. Cca'indeccu Jesúsma iñajampaña'fa qqueñamba iyu'uye: —¿Chiga manda'chota ti sema'ma'qquia a'ta paji'suma ccushaeñe'da antte?

Marcos 3:2

Cca'indeccuja ron'da dyai'fa Jesús sema'ma'qquia a'ta ccushaen'ninda “Queja egae tsincon” qquen suye.

Marcos 3:4

Tsomba cca'indeccuma iñajampaña: —Chiga manda'chota sema'ma'qquia a'ta egae tsoñe se'pisi ¿ñotsse tsoñe'ta ti ñotssi? Fi'ttiye se'pisi ¿ccushaeñe'da ti ñotssi? Tsa'ma tise'paja afambe ziya'fa.

Lucas 6:8

Tsa'ma Jesúsja tise'pa in'jan'choma in'jamba tive dañonge'choma su: —Jipa va'ttinga ccutsuja. Qquen susi tiseja jangipa Jesúsi'ccu ccutsu.

Juan 9:4

Toya a'ta a'ija sema'jen'fa. Cose'nijan majañi'qque semañe osha'fambi. Tsa'caen ja'ño ñajan toya oshapa gi ña Yaya manda'choma tsoña'cho.

1 Corinto'su 15:58

Tsa'cansi, in'jan'cho faengasundeccu, dyombe'yi ta'etsse in'jan'faja. Na'su sema'bama quinsetsse sema'faja. Nane que'ija atesu'fa qui Na'su Cristone semasi Tise que'ima fuitesi qui injanga sema'fambi.

Galacia'su 6:9

Quimbi'fajama ñotsse tsoña'choma. Ni ñoquimbi'fajama. Nane jai'ngae gi taiqquia'caen ñotsse isu'faya.

Filipo'su 1:14

Toya'caen ñajan piccoyepa tsa'caen Cristove condaseye oshasi tsain'bio Cristove in'jan'cho faengasundeccu'qque ti'tsse Na'su Chigave in'jamba dyombi'tsseyi Chiga Aya'fama condaseye in'jan'fa.

1 Pedro 4:1

Cristo tise ai'voi'ccu ingine vana'choma injan'jemba tsu vanae'nijan tisia'caen dyombi'tsse vanañe qquen in'jan'faya'cho. Nane majan ai'voi'ccu vana'jen'da egae tsincon'choma tsu tayo antte'fa.