Marcos 15:46 - Cofán: Chiga Tevaen'jen

⁴⁶ Afesi José ñotssia tototssia sarupama chavapa Jesús ai'voma avujacco'ye andiamba findi. Findipa fattocco changove ñoña'cho atu'ttinga a'tu. Tsomba rande patuma mutsinoemba chango sombo'ttima picco.

Marcos 15:46 ပူးပေါင်းရင်းမြစ်များ

Isaías 53:9

Minguite'qque tiseja egae tsincombi. Ni tise aya'fa'ye egae afa'choja sombombi. Tsa'ma egae tsinconsundeccui'ccu fae'ngae tisema a'tu'fasi tsu ricondeccui'ccu fae'ngae tiseja ccui.

Mateo 28:2

Jayi'ni tse'faei'ccuyi ande quia'me oya. Oyasi Chigama sefacconi'su shondo'su Chiga sefaccone andepa patuma mutsinoe joqquitssian. Joqquitssiamba tsanga dyai.

Marcos 15:45

capitánjan su: —Ju, tayo tsu pa. Tayo pa qquen pañamba Pilatoja manda Jesús ai'voma cuintsu Josénga afeye.

Marcos 15:47

María Magdalena, faesu María –tsa José mama– ma'ttinga a'tu'choma atte'fa.

Lucas 23:53

“Isupa angaja” qquen susi avuja'cco'ye andiamba totoa sarupai'ccu findipa ñoña'cho fattocco chango atu'ttinga ccuiña'fa. Tseccungaja faesu pa'choma toya a'tumbi'choa.

Juan 11:38

Atu'ttinga catsepa Jesúsja ccase injama'cho tsosipie ñombi'ye. Atu'ttija fattocco chango tsu patui'ccu picco'cho.

Juan 11:41

Tsonsi patuma joqquitssian'fasi Jesúsja sefacconima camba su: —Yaya, Queja ñama pañasi gi Quene ñotsse afa'je.

Juan 20:1

Domingo a'ta, faesu avujaquive a'tasi María Magdalenajan sinte toya cose'yi atu'ttinga japa atte sombo'ttima picco'cho patu fettaye'choma.