Marcos 15:14 - Cofán: Chiga Tevaen'jen

¹⁴ Pilatoja su: —¿Jongoesian tsu egaeta tso'an? Tsa'ma tise'paja ti'tsse fundopa su'fa: —¡Avuja'cconga otipa fi'ttija!

Marcos 15:14 ပူးပေါင်းရင်းမြစ်များ

Salmos 69:4

Tsain'bio a'i injanga ñama chi'ga'fa. Nane ña tsove'su tosema agatto'choma ti'tsse'o a'i tsu. Ñama iyiccayesundeccuja injanga ñama sefaeñe in'jan'fa. Cca'nambi'choama toequi afeya'cho qquen mandapa quin'sui'ccu itsa'fa.

Isaías 53:3

Nane a'ija tisema chi'gapa cati'fa. Ñombi'ye'su a'i tsu. Nane vanañe atesu'cho tsu. A'tuqquia'caen gi tisema panshan'fa. Barembi tsu qquen in'jamba gi tisema chi'ga'fa.

Isaías 53:9

Minguite'qque tiseja egae tsincombi. Ni tise aya'fa'ye egae afa'choja sombombi. Tsa'ma egae tsinconsundeccui'ccu fae'ngae tisema a'tu'fasi tsu ricondeccui'ccu fae'ngae tiseja ccui.

Mateo 27:19

Tsa'ma Pilato tsa'caen tise dyaipa'chonga dyaipa aindeccuma afa'je'ni tise pusheja qquen su'choma tisenga moen: “Va Jesús egae tsincombi'choa tsu. Tisene gi ja'ño cose dyo'oe ayo'o. Tisema egae tsonjama.”

Mateo 27:4

angapa afepa su: —Egae tsincombi'choama fi'ttiye afepa gi egae tsincon. Tsa'ma Chigama afa'su nasundeccuja su'fa: —¿Jongoesie qui ingingata ji? Que tsa'caen tson'choja que in'jan'cho tsu.

Mateo 27:54

Tsa'caen tsonsi sundaro capitán, faesu Jesúsma caña'jen'cho sundarondeccu'qque osha'choma atte'fa. Ande oya'je'choma'qque in'jamba dyo'fa. Dyopa su'fa: —¡Va tsandieja ñoa'me Chiga Dutssi'ye tsu!

Marcos 15:13

Tsonsi tise'paja fundopa afa'fa: —¡Avuja'cconga otipa fi'ttija!

Marcos 15:15

Tsonsi Pilatoja aindeccu tisema chi'ga'fasa'ne in'jamba tise'pa in'jan'cho Barrabásma ccupa. Barrabásma ccupapa Jesúsmajan ma'ppiye manda. Ma'ppi nani'fasi sundarondeccuma manda cuintsu angapa avuja'cconga oti'faye.

Lucas 23:21

Tsa'ma ti'tsse fundondo'e su'fa: —¡Avuja'cconga otija! ¡Avuja'cconga otipa fi'ttija!

Lucas 23:4

Tsonsi Pilatoja Chigama afa'su nasundeccuma, a'i bo'fa'chondeccuma'qque su: —Ñajan tisene shacapave attembi gi.

Lucas 23:41

Ingija egae tsincomba gi ja'ño vanamba tsane afepoen'jen'fa. Nane manda'cho mandaqquia'caen gi pa'faya. Tsa'ma va a'ija egae tsincombi.

Lucas 23:47

Tsonsi sundaro capitán tsa'caen da'choma attepa Chigama ñotsse afapa su: —Ñoa'me va a'ija egae tsincombi.

Juan 18:38

Pilatoja su: —¿Jongoesu tsu ñoa'me su'choja? Qquen iñajampañamba Pilatoja ccase israendeccunga sombopa su: —Ñajan tise shacapave attembi gi.

Juan 19:6

Chigama afa'su nasundeccu, Chiga etti'su sundarondeccu'qque tisema attepa quia'me fundo'fa: —¡Avuja'cconga otija! ¡Avuja'cconga otija! Pilatoja su: —Que'iyi angapa avuja'cconga oti'faja. Ñajan tise shacapave attembi gi.

Tson'fa'cho 13:28

Nane ma'caen Jesúsma fi'ttiya'cho jinchoma'caen aindeccuja injanga Pilatoma iñajan'fa tise mandasi fi'ttiye.

Tson'fa'cho 19:34

Tsa'ma bo'fa'chondeccuja Alejandroja israe'su a'isi attepa ti'tsse fundo'fa. Nane fae'be aya'fa'caeñi dos horave fundo'fa: —¡Ñoa'me ti'tsse'tssia tsu Efeso'su chiga Diana!

Hebreo'su 7:26

Nane Jesúsyi tsu ingine ñotssia Chigama afa'su na'su. Tiseja Chiga in'janqquia'caen ño'a tsu. Tiseja egae in'jambi ni egae tsincombi. Tsa'camba tsu tiseja ingi egae tsinconsundeccuma ccaninga'o. Toya'caen tiseja joccapitssia've dapa Chigai'ccu sefacconi can'jen.

1 Pedro 1:19

Tsa'ma Cristombe ñoa'me ñotssia anjampa tsu que'ima ccushaen. Nane oveja giya'tssi egaeve me'choama Chiganga afeqquia'can tsu Cristoja.