Marcos 15:12 - Cofán: Chiga Tevaen'jen

¹² Barrabásma iñajan'fasi Pilatoja iñajampaña: —Tsama ccupa'ta ¿ma'caen tsoñe qui in'jan'fa israe na'su qquen que'i su'choma?

Marcos 15:12 ပူးပေါင်းရင်းမြစ်များ

Zacarías 9:9

¡Ñoa'me avujatssi'faja Zión aindeccu! ¡Avujatsse settapoen'faja Jerusalén'su aindeccu! Que'i na'su tsu que'inga jiña; ñotsse mandapa ccushaen'su tsu. Tsa'ma patsumbe'yi tsu boro du'shunga dyaipa jiña. Nane boro pushe isu'chonga tsu dyaipa jiña.

Mateo 21:5

Zión canqquesundeccuma conda'faja: Que canjan, que'i Na'suja que'inga ji'je. Nane patsumbe'yi boronga dyaipa ji'je. Boro du'shunga, tsa semamba andu'choma andu'sumbe du'shungayi tsu ji'je.

Marcos 15:11

Tsa'ma Chigama afa'su nasundeccuja aindeccunga afafaen'fa bove ñotsse Barrabásma ccupaye iñajan'faye.

Marcos 15:13

Tsonsi tise'paja fundopa afa'fa: —¡Avuja'cconga otipa fi'ttija!

Lucas 23:2

Jesús ma'caen tsincon'choma condaseye ashaemba su'fa: —Ingija va a'ima attepa gi indi'fa. Tiseja ingi aindeccuma afopoemba atesian'jen. Ingima tsu se'pi Na'su César iñajan'cho impuestoma afeye. Tiseja Cristo qquen tsu su, ande na'su qquen su'cho.

Tson'fa'cho 5:31

Chiga Quitsaja Jesúsma ti'tsse joccapitssia've tsomba Tisu tansinfanga ccutsian cuintsu na'suve daye. Toya'caen tsu Chigaja Jesúsveyi ccushaen'suve'qque tson cuintsu israendeccu'qque in'jan'da ccusha'faye. Nane tise'pa egae tsincon'choma antteye in'jamba Jesúsve in'jan'ninda tsu Chigaja tise'pa egae tsincon'choma joqquitssiaña.