Marcos 14:72 - Cofán: Chiga Tevaen'jen

⁷² Tse'faei'ccuyi arapa gayo ccase se'yo. Se'yosi Pedroja Jesús su'choma in'jan: “Toya arapa dos se se'yombi'te tres se qui ñane a'tieña.” Tsama in'jamba Pedroja i'na.

Marcos 14:72 ပူးပေါင်းရင်းမြစ်များ

Mateo 26:34

Tsa'ma Jesúsja su: —Ñoa'me gi su: Ja'ño cose toya arapa seyo'bi'te qui ñane tres se a'tieña.

Marcos 14:30

Tsa'ma Jesúsja su: —Ñoa'me gi su, ja'ño cose'yi que'qque toya arapa dos se se'yombi'te tres se qui ñane a'tieña.

Marcos 14:68

Tsa'ma Pedroja a'tiemba su: —Atesumbi gi tsamaja. Atesumbi gi jongoe qquen qui su. Tsa'caen supa tsaofama ttu'cho sombo'ttima somboye jasi arapaja se'yo.

Marcos 14:71

Qquen susi Pedro Chigama iñajan tise tansintsse su'choma canjaeñe. Nane afopoen'ninda Chiga tisema egae tsoña'chove ttu'se. Tsa'caen ttu'sepa tsu su: —Atesumbi gi tsa a'ima, majama qui afa'je'fa.

Lucas 22:60

Tsa'ma Pedroja su: —Tsandie, atesumbi gi que jongoe qquen su'choma. Tse'faei'ccuyi arapa gayoja se'yo.

Lucas 22:62

Tsa'caen in'jamba Pedroja sombopa quia'me i'na.

2 Corinto'su 7:10

Nane Chiga in'janqquia'caen ñombi'yesi ñotsse tsu naniñeña. Ñombi'yepa egae tsincon'choma chi'gapa ñotssiave in'jamba tsu ccushaya'cho. Tsa'caen da'ta ccase ñombi'yeya'bi. Tsa'ma va ande'su in'jan'choma in'jamba ñombi'ye'ta tsangae tsu paya.