Marcos 14:24 - Cofán: Chiga Tevaen'jen

²⁴ Cui'je'fasi Jesúsja su: —Va tsu ña anjampa –Chiga a'i'ccu tseyi fae'ngae injancco'fa'chove canjaen'cho anjampa tsu. Tsain'bio a'ine ña anjampa tssamba catiyeya tise'pa egae tsincon'choma joqquitssiañe.

Marcos 14:24 ပူးပေါင်းရင်းမြစ်များ

Éxodo 24:8

Tsa'caen su'fasi Moisésja anjampama isupa aindeccunga zanzapa qquen su: —Va anjampa tsu que'i Na'su Chigai'ccu injancco'fa'choma canjaen, que'i tayo tise condase'choma pañasi.

Jeremías 31:31

Na'su Chigaja qquen tansintsse conda: “Tayoe Israel tayopisundeccu'yema Egipto'ye somboemba ipa gi tise'pai'ccu fae'ngae injancco'fa'chove afa. Tsa'ma tsendeccu ñama ñotsse pañambipa ñai'ccu injancco'fa'choma cati'fa. Tsa'cansi jai'ngae gi israendeccui'ccu toya'caen judándeccui'ccu fae'ngae ccase injancco'faya. Tsata tsu tayosia'cambi. Ña, Na'su Chiga gi que'inga conda.

Marcos 10:45

Tsa'caen ñajan, Sefaccone Ji'cho A'ita gi faesuma mandaye jimbi. Nane faesuma fuiteye gi ji. Tisuma afepa poimbe shacama afepoeñe gi ji ccushaya'chone.

Marcos 14:23

Toya'caen tasama isupa ccase Chigama ñotsse afa. Afa nanimba tise'panga afe. Afesi poiyi'cco tsa tasa'suma cu'i'fa.

Marcos 14:25

Ñoa'me gi su, ccatsse'qque vani cu'iya'bi gi o'fa tsaja vinoma. Jai'ngae Chiga Quitsa tise aindeccuma mandasi gi tseni tise'pai'ccu cuna vinoma cu'iya.

Lucas 22:20

Omboe pa'ccoma an nanimba tasama'qque isupa afe. Tasama afepa qquen tsu su: —Chiga Quitsa aindeccui'ccu cuname injancco'fa'choma condasesi ña anjampa tsu tsane tssaña'cho. Que'ine gi ña anjampama tssañaña. Va o'fa tsaja tasa tsu ña anjampa tssamba ccushaen'choma canjaen.

Juan 6:53

Jesúsja su: —Ñoa'me gi su: Que'ija Sefaccone Ji'cho A'i ai'voma ambi'ta, tise anjampama cu'imbi'ta canse'faya'bi qui.

1 Corinto'su 10:16

Na'su Jesús fae tasaveyi mandapa afesi tsane Chigama ñotsse afapa gi fae'ngae cu'i'fa. Cu'ipa gi Jesucristo anjampa tssansi ccusha'chone fae'ngae in'jan'fa.

1 Corinto'su 11:25

Tsa'caeñi tsu an nanimba tasama'qque isupa su: “Ña anjampa que'ine tssansi tsu va tasaja Chiga quei'ccu cuname fae'ngae injancco'fa'chone canjaeña. Minga'ni va tasama cui'je'ta ñama injan'jen'faja.”