Marcos 12:2 - Cofán: Chiga Tevaen'jen

² Tsajaite napisi fa'e tise a'ima manda maña semasundeccuni cuintsu japa tai'fa'choma na'sumbe enttingeve isuye.

Marcos 12:2 ပူးပေါင်းရင်းမြစ်များ

2 Reyes 17:13

Tsa'caen tson'jen'fasi Na'su Chiga poiyi'cco tise aya'fama afasundeccu toya'caen tise canjaen'choma attesundeccuma in'jaensi tsu israendeccu toya'caen judándeccuma manda'fa cuintsu tise'pa egae canse'choma cati'faye. Nane Chigaja Israel tayopi'su antiandeccunga tise manda'cho toya'caen tise atesian'choma'qque tayo conda tisema shondo'su Chiga aya'fama afasundeccui'ccu.

Salmos 1:3

Tsa a'ija naifa'su quini'jian'can tsu. Nane na'en otafanga jonsi tise naite nambe pasa'jembi ni tise najen'qque pandipa sheque'jembi. Pa'cco tise tson'jen'cho tsu ñotsse sombo.

Miqueas 7:1

¡Va'cha gi! Taiya'cho tayo pasasi aqquia ttatta'su gi. Nane poi andenima tta'tta'ma gi o'fa tsaja, higove me'i'an'ma aqquia tta'tta vanaqquia'caen

Mateo 21:34

Ovaite napijisi ande na'su tisema shondosundeccuma manda moen toequi cuintsu semasundeccuni japa na'sumbe enttingeve isu'faye.

Marcos 12:1

Tsa'caen tsomba Jesúsja condase'choi'ccu condaseye ashaemba su: —Fae a'i can'jemba tise andenga tsajaccuve jon. Tsomba tseccuma ttu. Ttupa patu changove ñoña tsaja tsa'ccuma somboeña'chove. Toya'caen se'fatssia tsa'ove'qque tsao'ña tsa'ye tisu caña'jeña'chove. Pa'ccoma ñoñamba na'suja faesu semasundeccunga tsa tsajaccuma afe cuintsu sema'faye. Afepa ccani japa can'jen.

Marcos 12:3

Tsa'ma semasundeccuja tsama indipa tsse'tssepa me'ccoeyi moen'fa.

Lucas 12:48

Tsa'ma majan sema'su na'su in'jan'choma atesumbipa tsa'caen ñotsse tsombian'da re'riccoe tsu tisema ma'ppiya. Nane poiyi'cco majan ti'tsse isu'ta ti'tsse tsu tsoña'cho. A'ija majanga ti'tsse afe'ta ti'tsse tsu tsendeccune in'jan'faya.

Lucas 20:10

Taiya'cho napijisi tisema shondo'suma coirasundeccunga manda moen cuintsu tise'pa tai'fa'cho'suma enttingeve isupa iye. Tsa'ma coirasundeccuja shondo'suma ma'ppipa me'ccoeyi moen'fa.

Hebreo'su 1:1

Tayopi Chigaja ccushaya'chone ingi tayopi'su israe'su coenzandeccunga condase'ñacca. Nane Chiga Aya'fama afasundeccuma in'jaensi tsendeccu tsu condase'fa. Cca'i Chiga Aya'fama afasundeccuma'qque ccaningae in'jaensi tsendeccu'qque tsane ti'tsse condase'fa.