Marcos 10:21 - Cofán: Chiga Tevaen'jen

²¹ Jesús tsandiema ñotsse in'jamba camba su: —Fae tsoña'cho tsu shaca. Japa pa'cco que an'bian'choma chavaenjan. Chavaemba corifin'dima isupa mendeqquianga afeja. Tsayita qui Chiga sefacconi ricove daya. Tsa'caen tsomba jipa ñai'ccu fae'ngae paya'ngae jacanjan.

Marcos 10:21 ပူးပေါင်းရင်းမြစ်များ

Génesis 34:19

Nane ti'tsse canjenccambe'yi Siquemjan tsa'caen tsoñe ashaen Jacob onque'ngeme in'jamba. Siquemjan tise yaya dutssiyendeccu'su ti'tsse'tssiapa

Mateo 16:24

Tsa'caen supa Jesús poiyi'cco tisema shondosundeccunga su: —Majan a'i ñai'ccu fae'ngae jiye in'jan'chota, tisu in'jan'choma catiya'cho. Tisu avuja'ccoma opiqquia'caen tsu tiseja ña'caen paya'ngae vanaña'cho. Ñai'ccu fae'ngae jacaña'cho.

Mateo 19:21

Qquen iñajampañasi Jesús su: —Ñoa'me ño'ame daye in'jan'da japa que an'bian'choma chavaemba corifin'dima isupa va'chandeccunga attufaenjan. Tsa'caen pa'ccoma afepa qui tsain'bitsse Chiga sefacconi an'biaña. Tsa'caen tsomba ñai'ccu fae'ngae jija.

Marcos 10:22

Tsama pañamba ñoquimbipa ñombi'yé ja panshaen ricopa.

Marcos 8:34

Ya'caen supa Jesús tisema shondosundeccuma, aindeccuma'qque ttu'sepa su: —Majan a'i ñai'ccu fae'ngae jiye in'jan'chota tsu tisu in'jan'choma aqque'paya'cho. Tisu avuja'ccoma opiqquia'caen tsu tiseja ñai'ccu fae'ngae jacamba paya'ngae vanaña'cho.

Lucas 10:42

Ingima cui'ñambayi antteja. Maríata tsu ñotssiama in'jamba paña'jensi gi tisema se'pimbi.

Lucas 12:33

Que'i vani an'bian'choma chavaen'faja mendeqquianga afeye. Tsa'caen afepa qui Chiga sefacconi osha'cho ñotssiama boña'faya. Tseni an'bian'choja mingui'te'qque sefaya'bi ni tssoruve daya'bi. Ccanamba'qque cca'nañe oshambi ni shipicco añe oshambi.

Lucas 16:9

Ñoa'me gi que'inga su: Corifin'dija ega na'su tsu. Tsa'ma ñotsse in'jamba que'i corifin'di'ccu cca'indeccuma fuite'faja corifin'di sefasi sefacconi osha'choma ñotsse an'biamba tsangae Chigai'ccu canseya.

Lucas 18:22

Jesúsja su: —Toya fae'ccoe qui shaca. Que osha'cho an'bian'choma chavaemba pa'cco corifin'dima va'chandeccunga attufaenjan. Tsa'caen afe'ta qui sefacconi ricove daya. Tsomba ñai'ccu fae'ngae jija.

Lucas 19:41

Canqquenga pan napijipa attepa Jesúsja i'namba

Lucas 9:23

Toya'caen Jesúsja poiyi'cco a'ima su: —Majan a'i ñai'ccu fae'ngae jiye in'jan'chota, tisu in'jan'choma tsu catiya'cho. Tisu avuja'ccoma opiqquia'caen tsu tiseja poi a'ta ña'caen paya'ngae vanaña'cho. Toya'caen ñai'ccu fae'ngae jacaña'cho.

Juan 12:26

Majan ña a'ive dapa shondocañe in'jan'da ñama tsu paña'faya'cho. Mani ña can'jen'ni'qque tseni tsu ñama shondo'su'qque can'jen'faya. Majan ñama shondocansi tsama tsu ña Yayaja ñotsse in'jan.

Juan 16:33

Vamanda gi conda que'i ñame in'jamba opatsse canse'faye. Va andeninda qui me'detsse canse'faya. Tsa'ma avuja'faja. Ñajan va andeni jincho'choma tayo patsu.

Tson'fa'cho 2:45

Tise'pa andema, tise'pa an'bian'choma'qque chavaemba corifin'dima isupa mendeqquianga attufaen'fa, majan ti'tsse shaca'chonga.

2 Corinto'su 12:15

Nane que'ima fuiteye avujatssiya gi pa'cco ña an'bian'choma afepa, nane tisuma'qque afeye. ¿Ña tsa'caen que'ima ti'tsse in'jan'ninda ti qui ñama ti'tsse chi'ga'fa?

2 Timoteoga 3:12

Nane poiyi'cco a'i majan ñoa'me Cristo Jesúsi'ccu jinchopa ñotsse canseye in'jan'da cca'indeccu tise'pama noñangiansi tsu vana'faya.

Hebreo'su 10:34

Nane indiyepa piccoye'chondeccuma mende'yepa qui fuite'fa. Chigave in'jambindeqquia que'i an'bian'choma itsa'ni'qque qui toya injama'choni avujatssi'fa. Nane Cristo a'ive dapa osha'cho ti'tsse ñotssiama tsangae an'bian'faya qquen in'jamba qui avujatssi'fa.

Santiago 2:10

Nane A'ija pa'cco Chiga manda'choma pañamba fae'ccoe shacaen'da pa'ccone tsu shacapa.

Canjaen'cho 2:14

Tsa'ma re'riccone gi quema iyu'uya. Tse'tti Pérgamoni tsu can'jen'fa majan a'i Balaam atesian'chove in'jan'chondeccu. Tayopi'su Balaam faesu ande'su na'su Balacma atesian ma'caen israendeccuma qqueñamba patsuye. Tsa'caen atesiansi qqueñasi afopa'cho Chiganga afe'cho aña'choma amba egae tsincon'fa. Toya'caen cca'i'su pushesundeccui'ccu injanga can'jemba tsa'caen egae tsincon'fa. Majan Pérgamosundeccu'qque tsa'caen canse'fa.

Canjaen'cho 2:20

Tsa'ma tsa pushesu Jezabelma se'pimbipa qui toya shacapa. Tsa pushesu tisuja Chigane afa'su qquen supa afopoen. Tsa'ma tise atesian'choi'ccu ña aindeccuma tsu qqueña cuintsu pushesundeccui'ccu injanga can'jemba tsa'caen egae tsincon'faye; cuintsu afopa'cho chiganga afe'cho aña'choma'qque amba tsa'caen egae tsincon'faye.

Canjaen'cho 2:4

Tsa'ma fae jincho'choveyi qui shacapa: Ñama tayoe in'janqquia'caen qui ja'ño'qque in'jambi.