Marcos 1:41 - Cofán: Chiga Tevaen'jen

⁴¹ Tsa'caen susi Jesús tisema mende'yepa tivei'ccu yasapa pporaemba su: —In'jan gi. Tayo qui ccusha.

Marcos 1:41 ပူးပေါင်းရင်းမြစ်များ

Génesis 1:3

Tsa'caen ñoñamba Chigaja su: “A'tatssia've daja.” Chiga tsa'caen su'ninda pa'cco a'tatssia've da.

Mateo 9:36

Aindeccuja bo'fasi Jesús attepa tise'pama mende'ye. Nane oveja coira'suve mechoqquia'caen injanga ñoquimbicco jacan'fa.

Marcos 1:40

Tsa'caen tson'jen'ni fae tsandie, na congomba paji'cho, Jesúsnga catsepa ccarupa dyaipa su: —Que in'jan'da qui ñama ccushaeñe osha.

Marcos 1:42

Jesús tsa'caen susi tse'faei'ccuyi tise na giya'tsse dapa ccusha.

Marcos 4:39

Tsonsi Jesús qquendyapa, fingiama iyu'upa, marma manda: —¡Vuiquija! ¡Ppimppianccuve daja! Qquen susi fingian pasasi mar'qque ppimppi'en da.

Marcos 5:41

Ca'nimba Jesúsja du'shumbe tive'ye indipa su: —Tarita comi (Qquen tsu su: Du'shu, quema gi su, Jangija).

Marcos 6:34

Tsonsi Jesúsja napipa shavo'ye sombopa a'i bo'fa'choma attepa tise'pama mende'ye. Nane oveja coira'suve mechondeqquia'caen injanga jacan'fa. Tise'pama mende'yepa osha'choma atesiañe ashaen.

Hebreo'su 1:3

Dutssi'yeja tsa'caen an'biamba tise joccapitssia aya'fai'ccu tsu osha'choma tansintsse manda'je. Chigaja a'tatssipa joccapitssiasi tise'qque tsa'caen joccapitssia tsu. Ma'caen Chiga jincho'nijan tise'qque tsa'caeñi tsu jincho. A'i egae tsincon'chone ccushaeña'choma nanimba tsu tiseja Chiga sefacconi ansundepa Chiga tansinfanga dyaipa Chigai'ccu manda'je.

Hebreo'su 2:17

Nane ingima ccushaeñe tsu Jesúsja ñoa'me a'i'ccu fae'ngatssia've da. Tsa'cambiecan'da tsu a'ima ccushaeñe oshambiye'can. Tsa'ma tsa'caen dapa tsu ñoa'me a'ima mende'yeye osha. Tsa'caen a'ima mende'yepa tise'pane tansintsse Chiganga afa'su na'su tsu. Toya'caen a'i'ccu fae'ngatssia've dapa tsu papa pa'cco Chiga a'ine in'jan'chove tson a'i egae tsincon'choma tsangae joqquitssiañe.

Hebreo'su 4:15

Nane ingine Chigama afa'su tsu ingi qque'choma atesupa ingima mende'yeye osha. Tise'qque ingia'caen a'ive dapa can'jensi Satanajan tisema'qque qqueña qquen tson. Tsa'camba Jesúsja egae tsincon'choma patsu'a'qque tsu ingi qque'choma injan'jen.