Marcos 1:27 - Cofán: Chiga Tevaen'jen

²⁷ Somboin jasi a'i pa'cho qquendyasi poiyi'cco a'i dyopa can'boen'fa. Tsomba tisupanaccu iñajampañacco'fa: —¿Jongoesu tsu vaja? ¿Jongoesu tsu va cuname atesian'jen'cho? Jovaja ti'tsse'tsse manda. Nane cocoyandeccuma'qque iyu'usi tisema paña'fa.

Marcos 1:27 ပူးပေါင်းရင်းမြစ်များ

Mateo 15:31

Ayafambindeccuja afa'fa. Chafurundeccuja cuname ccusha'fa. Ccareshendeccuja tsui ja'fa. Binindeccuja atte'fa. Poiyi'cco a'i tsama attepa israendeccu Chigama ñotsse afa'fa.

Mateo 8:9

Ñajan sundaro a'i. Ña nasundeccu ñama manda'fa. Ña'qque ñama bove'ccoa sundarondeccuma manda. Fae'ccoma “Jaja” qquen mandasi tiseja ja'je. Faesuma “Jija” qquen mandasi tiseja ji'je. Ña sema'suma “Qquen tsonjan” qquen mandasi tsa'caen tiseja tson'jen.

Mateo 9:33

Jesús cocoyama joqquitssiansi ayafambija afa. Bo'fa'cho aindeccuja can'boen ccutsupa su'fa: —Nane mingui'te'qque va'ca'ma israe andenima atte'fambi gi.

Marcos 1:26

Tsa'caen susi cocoyaja tsa a'ima pan'jaemba quia'me fundopa somboin ja.

Marcos 1:28

Tse'faei'ccuyi poiyi'cco tsa Galilea ande'su aindeccuja Jesúsne paña'fa.

Marcos 10:24

Tsa'caen susi tisema shondosundeccuja asi'ttaemba can'boen'fa. Tsa'ma Jesúsja ccase su: —Dusutssi'pa, majan tise an'bian'choma panshaen in'jan'da ñoa'me aiye'pa tsu tiseja Chiga a'ive daye.

Marcos 10:32

Tsaiqui'ye Jerusaléni ansunde jipa Jesúsja tisema shondosundeccuma o'tie jayi. Tise'paja asi'ttaen jayi'fa. Nane dyojo'tsse Jesúsma omboen jayi'fa. Tsonsi Jesúsja tisema doce shondosundeccuma ttu'sepa ccase ccani angapa tisuma ma'caen tson'faya'choma conda.

Marcos 16:5

Tsa'cansi ai'yembe ca'nimba chu'a tsandiema attepa dyo'fa. Nane tsaja bia'a totoa ondiccu'jema ondiccu'chopa atu'tti tansinfani dyai.

Marcos 16:6

Dyo'fasi tsandieja tise'pama su: —Dyombe can'faja. In'jan gi que'ija avuja'cconga fi'tti'fa'cho Jesúsve qui ttattacan'fa. Tsa'ma tiseja ccase qquendya. Va'ttija me'i'on. Jipa tise ccui'ttima can'faja.

Marcos 7:37

Nane ñotsse can'boemba su'fa: —Osha'choma tsu ñotsse tson. Tsonsinambima'qque pañaen. Ayafambima'qque afaen.

Lucas 4:36

Somboin jasi a'i bo'fa'cho can'boemba condasecco'fa: —¿Ma'caen tsu Jesúsja tsa'caen afaye osha? Na'sia'caen quia'me mandasi cocoyandeccu'qque pañamba somboin ja'fa.

Lucas 9:1

Jesús tisema doce shondosundeccuma ttu'se boñamba tise'pama in'jaemba manda osha'cho cocoyama joqquitssiañe, pajisundeccuma ccushaen'faye.

Tson'fa'cho 17:19

Tsa'caen supa Pabloma anga'fa tise'pa bo'jeni –Areópago qquen inisiani. Tseni angapa tisema qquen iñajampaña'fa: —Ingija tansintsse pañañe in'jan'fa va que cuname atesian'jen'choma.