Marcos 1:24 - Cofán: Chiga Tevaen'jen

²⁴ —¿Mincoñe qui ingingata ji, Jesús Nasareno'su? ¿Ji ti qui ingima sefaeñe? Ñanda gi quema atesu. Queta qui Ño'a Chigani'su.

Marcos 1:24 ပူးပေါင်းရင်းမြစ်များ

Salmos 16:10

Ña qquendya'pama catiya'bi qui pa'chondeccu can'jeni. Ni antteya'bi qui que in'jan'cho a'imbe ai'vo papa congoñe.

Éxodo 14:12

Qqueña'si gi toya Egipto andeni can'jemba quenga su'fa: ‘Antteja Egiptondeccumbe ingi sema'jeñe. A'i menia pa'choma bove ñotssi tsu Egipto andeni tsangae sema'suve dapa canse'faye.’

Mateo 2:23

Nane Nasaret canqqueni japa can'jen'fa. Tse'tti can'jemba tsu tayopi'su Chiga aya'fama afa'su suqquia'caen tson. “Tiseja Nasareno tsu” qquen tsu tayópija su.

Mateo 8:29

Jesúsma attepa fundondo'e afa'fa: —Queja Chiga Dutssi'yeta ¿jongoesie qui ingini ji? ¿Toya osefaeña'cho a'ta napimbi'te ingima vanaeñe ti qui ji?

Marcos 1:23

Tsa'caen tson'jen'ni cocoya ca'ni'cho a'i atesian'jen'ttinga ca'ni. Ca'nimba fundo:

Marcos 1:25

Qquen susi Jesús cocoyama iyu'upa su: —¡Ziyaja! ¡Joqquitssija va tsandie'ye!

Marcos 10:47

Jesús Nasareno'su panshanjin qquen pañamba binijan fundopa su: —Jesús, David Dutssi'ye, ñama mende'yeja.

Marcos 16:6

Dyo'fasi tsandieja tise'pama su: —Dyombe can'faja. In'jan gi que'ija avuja'cconga fi'tti'fa'cho Jesúsve qui ttattacan'fa. Tsa'ma tiseja ccase qquendya. Va'ttija me'i'on. Jipa tise ccui'ttima can'faja.

Marcos 5:7

Tsonsi Jesúsja su: —Cocoya, ¡joqquitssija va a'i'ye! Tsa'caen susi cocoyaja a'ima afaensi quia'me fundopa su: —¡Joccapitssia Chigambe Dutssi'ye qui, Jesús! ¿Jongoesie qui ñangata ji? ¡Chigáne ñama noñangianjama!

Lucas 1:35

Tsa'ma Chigama sefacconi'su shondo'suja su: —Chigaja osha'choma joccapitssiapa osha'choma oshacho. Chiga Qquendya'pa quenga ca'nisi Joccapitssia Chigaja quema oppoeña. Tsa'caen oppoensi que du'shuja ñoa'me egave mechosi tsu Chiga Dutssi'ye qquen su'faya.

Lucas 24:19

Tsonsi Jesús tise'pama su: —¿Jongoesuma tsu tson'fa? Tsonsi tisenga conda'fa: —Jesús Nasarenoma tson'cho tsu. Tiseja Chiga Aya'fama afa'su. Osha'cho ñotssiave atesiamba osha'cho ñotssiave tson. Chiga tisei'ccu can'jensi poiyi'cco a'i tise've in'jan'fa.

Lucas 4:34

—Ingima noñangianjama Jesús Nasareno'su. ¿Ingima fi'ttiye ti qui ji? Quemanda gi atesu. Nane queja Chiga in'jan'cho qui.

Lucas 8:28

Jesúsma attepa fundopa Jesús tsutteccofanga ccarupa dyai. Nane tsain'bitssi cocoya tsa a'inga ca'nisi canqquesundeccuja tisema coiraye candena yoshavai'ccu tandamba an'bian'fa. Tsa'ma cocoya ca'ni'choja candenama oppattu catisi cocoya tisema anga a'i menia. Jesúsja tsa a'i'ye joqquitssiye cocoyama mandasi a'ija quia'me fundopa su: —Joccapitssia Chigambe Dutssi'ye qui, Jesús. ¿Jongoesie qui ñani ji? Chigáne ñama noñangianjama.

Lucas 8:37

Tsa'caen condasesi poiyi'cco tsa Gadara andesundeccu ñoa'me dyopa Jesúsma iñajan'fa cuintsu tise'pa ande'ye sombopa ccani jaye. Tsonsi Jesúsja shavonga otsepa toequi shanda.

Juan 6:69

Ingita gi tayo in'jan'fa. Atesu'fa gi queta qui Cristo, Chiga Dutssi'ye.

Tson'fa'cho 2:27

Nane Queja, Chiga Quitsa, ña qquendya'pama catiya'bi qui pa'chondeccu can'jeni. Ni antteya'bi qui que in'jan'cho a'imbe ai'vo papa congoñe.

Tson'fa'cho 24:5

Va a'i tsu ñoa'me paqque'sia'caen ingima noñangian'su. Poi andeni mani israendeccu can'jen'fa'ni'qque tseni tiseja ccaningae atesiañe noñangian'jen. Tise'qque tsu Nasareno in'jan'chondeccumbe na'su.

Tson'fa'cho 3:14

Nane tsa Chigambe Ño'ama qui chi'gapa a'ima fi'tti'suma in'jamba tsama ccupaye iñajan'fa.

Tson'fa'cho 4:27

Ñoa'me tsu va canqqueni Na'su Herodes, Governaror Poncio Pilato'qque, israembindeqquia, israendeccu'qque bopa quembe ño'a Dutssi'ye Jesúsma iyicca'ye'fa.

Santiago 2:19

Que'qque qui in'jan fae Chigayi tsu jin. Ñotsse qui in'jan. Tsa'ma cocoyandeccu'qque tsa'caen in'jamba dyopa ttun'dundu'je'fa.

1 Juan 2:20

Tsa'ma Cristoja Chiga Qquendya'pai'ccu tayo que'ima in'jaen cuintsu osha'choma atesu'faye.

Canjaen'cho 3:7

Filadelfia canqque'su Jesúsve in'jamba bo'fa'choma coira'sunga qquen tevaenjan: Tiseja ño'a. Tiseja tansintssia. Tayopi'su Na'su David fetta'je'cho yavema an'biamba jongoesuma fettasi cca'ija tsama piccoye oshambi; jongoesuma piccosi cca'ija tsama fettaye oshambi. Qquen tsu quenga su: