Marcos 1:11 - Cofán: Chiga Tevaen'jen

¹¹ Tsa'caen andeji'ni Jesús sefaccone afa'choma paña qquen su'choma: —Que qui Ña Dutssi'ye, Ña In'jan'cho. Quene gi avujatssi.

Marcos 1:11 ပူးပေါင်းရင်းမြစ်များ

Salmos 2:7

Tsa ñama ttuse'su Na'su su'choma gi condaya: Nane tiseja ñama su: “Que qui ña dutssi'ye; ja'ño gi quema atte.

Isaías 42:1

“Va'tti tsu ñama shondo'su. Ñajan tisema ñambeve attufaemba angacamba quiñaen. Nane tisei'ccu gi avujatssi. Ña qquendya'pai'ccu tisema in'jaensi tsu poi ande'su aindeccuma ñotsse mandaya.

Mateo 12:18

Vaja ñambe sema'su. Tisema gi ttu'se. Tisema in'jamba tsa'caen ttu'sepa gi avujatssi. Ña Qquendya'pai'ccu gi tisema in'jaeña cuintsu tiseja poi ande'su aindeccunga ña ccushaen'choma condaye.

Mateo 17:5

Pedro toya afa'je'ni unjimba tototssia ccuttopa'sia'caen tise'pama picco. Tsonsi ccuttopa'si'ye aya'faja su: —Vaja ña in'jan'cho Dutssi'ye. Tisema gi ñotsse in'jan. Tisema paña'faja.

Mateo 3:17

Sefaccone aya'fa'qque afapa qquen su: —Vaja ña in'jan'cho Dutssi'ye tsu. Ñoa'me gi tisema ñotsse in'jan.

Marcos 1:10

Jesúsja na'eñe sombojipa sefacco fettaye'choma atte. Chiga Qquendya'pa ppuppuju'choa'caen tisenga andeji.

Marcos 9:7

Qquen su'je'ni unjimba'cco tise'pama picco. Piccosi tsa unjimba'cco'ye aya'fa afa'choma paña'fa qquen su'choma: —Va tsu ña in'jan'cho Dutssi'ye. Tisema paña'faja.

Lucas 3:22

Fettasi Chiga Qquendya'pa ppuppuju'choa'caen attiamba Jesúsnga ande. Tsonsi sefaccone afa'choma paña'fa qquen su'choma: —Que qui ña in'jan'cho Dutssi'ye. Ñoa'me gi quema ñotsse in'jan.

Lucas 9:35

Ccuttopa'si'ye aya'faja qquen afa: —Vaja ña in'jan'cho Dutssi'ye tsu. Tisema paña'faja.

Juan 1:34

Attepa gi que'inga conda va Jesúsja ñoa'me Chiga Dutssi'ye tsu.

Juan 3:16

Nane Chigaja va andeni'su a'ima tsain'bitsse in'jamba Tise Dutssi'ye fae'ccoama a'inga afemoen cuintsu poiyi'cco majan tise've in'jan'chota catiyembe'yi Chigai'ccu tsangae canse'faye.

Juan 5:37

Toya'caen ñama moen'su Chiga Quitsa tsu ñane canjaen'jen. Tsa'ma que'ija Tise Aya'fama paña'fambi ni Tise tsovejuma atte'fambi.

Juan 6:69

Ingita gi tayo in'jan'fa. Atesu'fa gi queta qui Cristo, Chiga Dutssi'ye.

Romanos 1:4

Tise qquendya'paja sefacconi ñotsse jincho; Chiga Dutssi'ye tsu, osha'choma oshacho. Nane Jesucristo pasi Chiga Qquendya'pa tisema ccase qquendyaemba Jesúsja ñoa'me Chiga Dutssi'ye qquen tsu canjaen.

Colosa'su 1:13

Chigaja sinttia'su na'su Satana'ñe ingima ccushaemba Tise in'jan'cho Dutssi'ye Na'su Jesúsnga ingima ca'nian.