Malaquías 3:6 - Cofán: Chiga Tevaen'jen

⁶ “Ña gi Na'su, cambian'masia. Tsa'camba gi que'ima nepiambi, que'i Jacob dushundeccuma.

Malaquías 3:6 ပူးပေါင်းရင်းမြစ်များ

Génesis 15:18

Tsa'caen tsu tsequi a'ta Na'su Chigaja Abrami'ccu injanccopa tisema su: —Va andema gi que omba'su dutssiyendeccunga afeya. Egipto'su naene pa'cco tsa Eufrates na'en jimpi.

Génesis 15:7

Toya'caen tsu Chigaja Abramnga su: —Ña gi Na'su. Quema gi Caldea ande'su Ur canqquene somboemba vani i, va andema quenga afeye que an'biañe.

Génesis 22:16

ttu'se: —Na'su Chigaja su: ‘Queja tsa'caen tsomba que du'shu fae'ccoama'qque se'pimbe'yi ñanga afesi gi quema ñotsse tsoña. Nane tisu injama'choi'ccu in'jamba gi tsa'caen tsoña.

Salmos 102:26

Osha'cho tsaja sefaqque'su tsu. Tsa'ma queja tsangae can'jeña. Osha'cho tsaja sarupa'caen tssoruve dapa congoña. Nane ondiccu'jema cambianqquia'caen queja tsama ccaningae tsonsi tsu tsa'caen ccaningae daya.

Salmos 102:27

Tsa'ma queja cambian'masia. Minguite'qque qui paya'bi.

Salmos 102:28

Quema shondo'su omba'su dutssiyendeccuma qui ñotsse coirapa an'bian. Nane quei'ccu can'jemba tsu tsendeccuja amppi'faya'bi.

Salmos 103:17

Tsa'ma tsangae tsu Na'su Chigaja tise've in'jamba pañasundeccuma in'jan'cho. Tsangae tsu tsambe omba'su dushundeccuma'qque tansintsse ñotsse tsoña.

Salmos 78:38

Tsa'ma Chigaja toya tise'pama mendeye'jepa tise'pa egae tsincon'cho shacama joqquitssian. Tise iyicca'ye'choma'qque aqque'papa tise'pama fi'ttimbi. Nane ccase, ccase ñoquisi tise ñoa'me iyicca'ye'choja pasa.

Salmos 78:57

Tise'pa tayopi'su coenzandeccu tsonqquia'caen Chigama catipa tise've in'jan'fambi. Battittianccu tansintsse battiañembiqquia'caen tise'pa tsoña'choma tansintsse tson'fambi.

Jeremías 32:27

“Ña gi Na'su, Osha'cho Cansian Jinchombe Chiga. Me'i'on tsu ña oshambi'choa've.

Daniel 6:26

Nane pa'cco ña manda'je'cho tsu Daniel Chigama dyoe'sui'ccu paña'faya'cho. Tsa tsu ñoa'me Cansian Chiga, toya'caen tsangae tsu jinchoya. Tise manda'je'cho'ni tise oshacho'qque pasaya'bi ni sefaya'bi.

Oseas 11:9

Nane ñajan a'imbipa ñoa'me Chiga gi. Ñajan Efraínma ñoa'me iyicca'ye'ma fi'tti sefaeña'bi ni a'i egae tsonqquia'caen tise'pama tsoña'bi. Ña gi que'imbe enttingeni can'jen'cho ñotsse jincho'cho. Que'ima fi'tti sefaeñe jinchombi gi.”

Números 23:19

Chigaja ingi a'ia'cambipa afopoembi ni cambiaña'bi. Nane tise ma'caen su'ta tsu tsa'caen tsoña. Tise ñoa'me tsoña qquen su'ta tsu tsa'caen tson.

Romanos 5:10

Tsa'caen ccushaensi Chigaja ingi ño'a'fa qquen su'ninda ñoa'me tsu Jesúsja ingima ccushaen Chiga jai'ngae a'ima vanaeña'chone. Nane ingi toya Chigama chi'gaite Tiseja ingima ñoqui Tise Dutssi'ye pasi. Tise tsa'caen ñoquisi tsu Jesucristoja cansepa ingima ti'tsse ccushaeña.

Filipo'su 1:6

Chiga Quitsaja que'ine ñotssiave ñoñañe tayo ashaen. Tsa'cansi ñoa'me gi su: Chigaja ashaemba tsu que'ima fuitepa angacaña cuintsu Jesucristo jisi ñotsse naningeye.

Hebreo'su 13:8

Nane Jesucristoja ccaningaembi. Tayópi, ja'ño, tsangae tsu ccaningaembi.

Hebreo'su 6:18

Chiga su'choja ñoa'me tansintsse su'cho tsu. Toya'caen Chigaja “Ju, tsa'caen tsu” qquen supa ¿ma'caen tsu ccaningae tsoña? Nane Chigaja afopoeñe oshambi. Tise tsa'caen afa fuitesi gi ti'tsse Tise've in'jamba canse'fa. Ñoa'me Cristonga catsepa gi tise ccushaeñe qquen su'choma in'jamba tsave ronda'je'fa.

Santiago 1:17

Osha'cho ñotssia, osha'cho shaca mechoe inginga afe'chota tsu sefaccone, Chiga Quitsa afe'cho. Nane Chiga Quitsaja coejechiga, cose'suchiga, o'fema'qque sefacconi chanjuñe agattoensi agattoen'choja cambianqque'su. Tsa'ma Chigaja minga'ni'qque cambiambi.

Canjaen'cho 1:8

“Ña gi Ashaen'su toya'caen Nani'su.” Qquen tsu na'suja su. “Aisheve can'jemba gi ja'ño'qque can'jen. Tsangae gi can'jeña. Ña gi osha'choma ti'tsse'tssia.”

Canjaen'cho 22:13

Ña gi Ashaen'su toya'caen Nani'su. Me'ttie'su gi Osefa'tti'su'qque. Osha'chove Agattoen'su gi Osefaen'su'qque.