Malaquías 3:2 - Cofán: Chiga Tevaen'jen

² Tsa'caen tise jisi ¿majan tsu tisema se'piya? Tise attiansi ¿majan tsu tisenga ccutsuye oshaya? Nane si'ngei'ccu corima tssutssiamba giyaenqquia'caen tsu ingima giyaeñe jiya. Javoin'ccu sarupama mappanqquia'caen tsu ingi egae tsincon'choma ccuchaye jiya.

Malaquías 3:2 ပူးပေါင်းရင်းမြစ်များ

Génesis 19:28

can Jordán na'en'su sinjunccunima, toya'caen Sodoma, Gomorranima. Camba onfen'bama atte. Nane pa'cco sinjunccu tsu si'nge ju'ruqquia'caen oro'je.

Salmos 2:7

Tsa ñama ttuse'su Na'su su'choma gi condaya: Nane tiseja ñama su: “Que qui ña dutssi'ye; ja'ño gi quema atte.

Isaías 1:18

Na'suja qquen su: “Ji'faja. Jinge que'i egae tsincon'chone condasecco'faye. Que'i egae tsincon'cho cutsse amundeqquia'caen que'ima daño'ni'qque gi me'tsse chandisu'ccoa'caen tototssia've que'ima giyaeña. Nane sarupa cu'a da'choma giya'tsse oveja tose'caen tototssia've tsonqquia'caen gi que'ima'qque tsa'caen giyaeña.

Zacarías 13:9

Ña anttesi toya canse'chondeccuma gi si'nge'ye panshaenqquia'caen vanaeña. Tsa'caen tsomba gi tise'pama giyaeña, totoacorima tssutssiamba giyaenqquia'caen. Ñoa'me coriama'caen gi tise'pama si'ngei'ccu giyaeña. Giyaensi tsu ñama iñajan'faya. Iñajan'fasi gi tise'pama pañaña. ‘Tise'paja ña aindeccu tsu’ qquen ña susi ‘Na'suja ingi Chiga tsu’ qquen tsu su'faya. Ña, Na'su Chiga, gi tansintsse conda.”

Mateo 25:10

Qquen susi cinco injamambindeccu chavaensundeccuni ja'fa. Tsa'ma tise'pa chava'su ja'ninda pusheya'cho tsandie ji. Jisi cinco tayo ñoña'cho pushesundeccu tisema cachuipa shondoye ca'ni'fa. Casara'jeccuni poiyi'cco ca'nisi sombo'ttima picco'fa.

Marcos 9:3

Tise ondiccu'je chhariccotsse chandisu'ccoa'caen tototssie da. Nane majañi'qque va ande'su mappan'su tsa'cantsse totoeñe oshambi.

Lucas 2:34

Tsonsi Simeón tise'pama ñotsse afapa du'shumbe chan Maríama su: —¡Que canjan! Va du'shuve in'jambi'ta tsain'bio israendeccu tsu qque'faya. Tsa'ma cca'indeccuja tise've in'jamba ti'tsse'tssia've dapa tsu avuja'faya. Aindeccu tisema afase'fasi

Lucas 21:36

Tsa'ma que'ija camba ronda'jepa ñama iñajan'jen'faja. Tsayita qui osha'cho va vanaña'cho su'choma vanambe'yi ccushapa Sefaccone Ji'cho A'inga ccutsu'faya.

Lucas 3:17

Trigoma qque'shopa fingiain'ccu ttonoma ufattovaenqquia'caen tiseja jiya fundui'sui'ccu giya'tsse funduipa ñotssia trigoma boñaqquia'caen tise a'ima ñoñañe. Tsa'ma trigo ttonoma oque catiqquia'caen tise've in'jambindeqquiama tsangae catiya.

Lucas 3:9

Nane quini'cco ñotsse nambisi a'ija tsama ttuttupa si'tsive oque'faya. Tsa'caen tsu Chigaja ttuttupoeñe ovacco'choma tsuiñaqquia'caen tayo ñoña que'i injama'choma somboeñe.

Lucas 7:23

Majan ñame in'jamba ansangembi'ta ñoa'me tsu avujatssi'faya.

Juan 8:55

Tsa'ma que'ija Tisema atesu'fambi qui. Ñajan Tisema atesucho. Atesumbi qquen su'choecan'da gi que'ia'caen afopa'choye'can. Tsa'ma ñajan ñoa'me gi Tisema atesucho. Tise su'choma gi ñotsse paña.

Hebreo'su 12:25

Chiga Jesucristoi'ccu que'inga afa'choma ñotsse paña'faja. Chigaja tayopi'su a'inga Moisési'ccu condasesi paña'ma chi'ga'fa. Tise'pa tsa'caen aqquia a'i'ccu su'choma chi'gapa catiye'nijan ¿ma'caen qui que'ija Jesucristo su'choma chi'ga'ta ccusha'faya?

Canjaen'cho 19:8

Ñotssia tototssia sarupama tisenga afesi tsu giya'tsse a'tatssia've ondiccupa ñoña. Nane Chigambe aindeccu tsa'caen ño'ame dapa cansesi tsa tototssia sarupa tsu tise'pa ñotsse canse'choma canjaen.

Canjaen'cho 2:23

Toya'caen Jezabel dushundeccuma gi fi'ttiya. Tsa'caen tsonsi poiyi'cco ñame in'jamba bo'fa'chondeccu tsu ti'tsse ñane in'jan'faya. Nane ñajan a'i injama'cho tsosipie in'jan'choma injan'su qquen tsu in'jan'faya. Ñajan tsa'caen pa'tssima in'jamba gi tise'pa ma'caen tsonqquia'caen tise'panga afepoemba vanaeña.

Canjaen'cho 6:17

Ñoa'me tsu Tise'pa iyicca'yeya'cho a'ta ji. ¿Majan tsu Tise'panga ccutsupa ccushaye osha'faya?

Canjaen'cho 7:14

Iñajampañasi gi su: —Na'su, que qui atesu. Tsonsi tsu su: —Ñoa'me vana'jeinte tsu vandeccuja ccushapa sombo'fa. Nane Ovejambe anjampa tssan'choi'ccu tise'pa ondiccu'jema giya'tsse totoave cashipa tsu ccusha'fa.