Malaquías 3:10 - Cofán: Chiga Tevaen'jen

¹⁰ Tsa'ma que'i chongayi'cho'cco enttingeve ña etti'su corifin'dima coira'je'ttinga i'faja cuintsu ña tsa'o anqque'sui'ccu on'baye. Ican'faja ña tson'choma atesuye. Ñoa'me gi ventanama fettaqquia'caen sefacco'su osha'cho ñotssiama que'inga tuiñaqquia'caen afeya.

Malaquías 3:10 ပူးပေါင်းရင်းမြစ်များ

Génesis 28:22

Va patuma ña jangian dyaiña'cho tsu Chiga tsa'oya. Toya'caen, Chiga, osha'cho que ñanga afe'cho'suma enttingeve fae chongayi'ccoveyi gi quenga afe'jeya.”

Génesis 7:11

Nane Noéjan seisciento canqque'fave an'biansi segundo ccovu, a'ta diez y sieteni tsu pa'cco ande'su tsa'ccu sombo'je'ttija fettaye cuintsu ande tsosini'su tsa'ccu somboye. Toya'caen sefacconi'qque fettayeqquia'caen tsu sefacconi'su tsa'ccu amppi.

Salmos 37:3

Tsa'ma osha'choma Na'sunga anttepa ñotsse tsonjan va andeni opatsse can'jemba ñotssiama isuye.

Salmos 78:23

Tsa'ma Chiga sefaccoma mandasi sefaccoja fettayepa

Oseas 2:21

Ña, Na'su gi que'inga conda'je: Tsequi a'ta gi sefaccoma pañaqquia'caen antteya tsambe in'jan'chove tsoña. Sefacco'qque unjima andenga tuiñaña.

Joel 2:24

Tsa'cansi trigoma ñotsse taisi coira'je'cho cuarto on'bapa sheque'jeya. Vino tanque toya'caen olivo yayapa tanque'qque on'bapa feti'jeya.

Levítico 26:10

Fae canqque'fa'su trigoma toya an'jen'ni faesu canqque'fa'su injan'tsse cu'chosi qui taipa mani boñaña'chove me'i'onsi tssoruma joqquitssiamba cunama boña'faya.

Levítico 26:3

“Que'i ña su'choma ñotsse pañamba ña manda'choma in'jamba tson'jen'ninda

Mateo 6:33

Tsa'cansi que'ija o'tie Chiga Quitsama na'suve in'jan'faja. Tsa'caen in'jamba Tise in'janqquia'caen cansesi tsu Chiga Quitsaja que'inga osha'cho jongoesu shaca'ninda afeya.