Lucas 9:56 - Cofán: Chiga Tevaen'jen

⁵⁶ Sefaccone Ji'cho A'i gi jimbi a'ima fitti'ttiye. Tsa'ma a'ima ccushaeñe gi ji. Qquen supa faesu canqqueni ja'fa.

Lucas 9:56 ပူးပေါင်းရင်းမြစ်များ

Mateo 18:10

Injama'tse majan va du'shua'can'ma chi'gasa'ne. Nane ñoa'me gi su: Tise'pama coira'su Chigama sefacconi'su shondosundeccu ña sefacconi'su Quitsai'ccu fae'ngae can'jemba cambajunaccunga conda'fa.

Mateo 18:11

Ñoa'me Sefaccone Ji'cho A'i gi qque'chondeccuma ccushaeñe ji.

Mateo 20:28

Tsa'caen ñajan, Sefaccone Ji'cho A'ita gi faesuma mandaye jimbi. Nane faesuma fuiteye gi ji. Tisuma afepa poimbe shacama afepoeñe gi ji ccushaya'chone.

Mateo 5:39

Tsa'ma ñanda gi que'ima su: Cca'i quema egae tsincon'ni'qque tsama se'pijama. Nane a'i quema faefa'su tsovejuma tssai'ninda ccafa'su tsovejuma canjaen'faja cuintsu tsama'qque tssaiye.

Lucas 19:10

Nane Sefaccone Ji'cho A'i'ta gi a'i qque'chondeccuma ccushaeñe ji.

Lucas 22:51

Tsa'ma Jesúsja su: —¡Anttéja! Panshaen jova'caen tsinconjama. Qquen supa sema'sumbe tsosinama pporaemba toeningatsse ccushaen.

Lucas 23:34

Ccutsiansi Jesúsja su: —Yaya, tise'pa'ye va egae tsincon'choma joqquitssianjan. Va aindeccuja tise'pa tson'jen'choma atesu'fambi. Toya'caen sundarondeccuja gana qquen cofe'je'fa Jesús ondiccu'je'cho sarupama attufaenccoye.

Lucas 9:55

Tsa'ma Jesúsja piyicamba tise'pama iyu'upa su: —¿Atesu'fambi ti qui que'inga ca'ni'cho Qquendya'pama?

Lucas 9:57

Tsaiqui'ye jayisi a'ija Jesúsma su: —Na'su, mani que ja'ni'qque ña'qque fae'ngae jaya.

Juan 10:10

Ccanambaja cca'nañe, fi'ttiye dañoñe tsu jiya. Tsa'ma ñanda gi ji cuintsu ña a'i canse'faye –cuintsu ñoa'me avuja'tsse canse'faye.

Juan 12:47

A'i ña aya'fama pañamba chi'ga'ni'qque ñajan tise injama'choma somboeña'bi. Nane jimbi gi a'i injama'choma somboeñe. Tsa'ma va ande'su aindeccuma ccushaeñe gi ji.

Juan 3:17

Nane Chigaja Tise Dutssi'yema moembi cuintsu a'i injama'choma somboeñe. Tsa'ma poiyi'cco a'ima ccushaeñe tsu tisema moen.

Romanos 12:21

Cca'indeccu que'ima egae tsinconsi ccane'qque egae tsinconjama egae tsincon'cho que'ima patsusa'ne. Tsa'ma ñotsse tsomba egae tsincon'choma patsu'faja.

1 Timoteoga 1:15

Va condase'cho tsu ñoa'me su'cho. Ñotsse tsu in'jan'faya'cho: Jesucristoja sefaccone va andenga ji egae tsinconsundeccuma ccushaeñe. Nane ñajan cca'ima ti'tsse egae tsincon'su gi.