Lucas 8:37 - Cofán: Chiga Tevaen'jen

³⁷ Tsa'caen condasesi poiyi'cco tsa Gadara andesundeccu ñoa'me dyopa Jesúsma iñajan'fa cuintsu tise'pa ande'ye sombopa ccani jaye. Tsonsi Jesúsja shavonga otsepa toequi shanda.

Lucas 8:37 ပူးပေါင်းရင်းမြစ်များ

Mateo 8:34

Tsa'caen condasi poiyi'cco tsa canqque'su aindeccu sombopa Jesúsma cachuiye ji'fa. Jipa tisema attepa dyopa iñajan'fa cuintsu Jesús tise'pa'ye joqquitssiye.

Marcos 5:17

Aindeccu tsa'caen pañamba Jesúsma iñajan'fa cuintsu tise'pa ande'ye sombopa jaye.

Lucas 10:16

Majan que'ima paña'da ñama tsu paña'fa. Majan que'ima chi'ga'ta ñama tsu chi'ga'fa. Majan ñama chi'ga'ta ñama moen'su Chiga Quitsama'qque tsu chi'ga'fa.

Lucas 5:8

Simón Pedroja avuma indi'choma attepa dyopa Jesúsnga tsutta'choi'ccu ccaru dyaipa su: —Na'su, ña'ñe joqquitssija. Ñanda gi egae tsincon'su.

Lucas 8:28

Jesúsma attepa fundopa Jesús tsutteccofanga ccarupa dyai. Nane tsain'bitssi cocoya tsa a'inga ca'nisi canqquesundeccuja tisema coiraye candena yoshavai'ccu tandamba an'bian'fa. Tsa'ma cocoya ca'ni'choja candenama oppattu catisi cocoya tisema anga a'i menia. Jesúsja tsa a'i'ye joqquitssiye cocoyama mandasi a'ija quia'me fundopa su: —Joccapitssia Chigambe Dutssi'ye qui, Jesús. ¿Jongoesie qui ñani ji? Chigáne ñama noñangianjama.

Lucas 8:36

Dyo'fasi tseni can'jensundeccu cocoya ca'ni'cho ma'caen ccusha'choma attepa poiyi'cco a'inga conda'fa.

Lucas 8:38

Tayoe cocoya ca'ni'cho a'i ccusha'choja Jesúsma iñajan fae'ngae jaye. Tsa'ma Jesúsja tisema mandamaña qquen supa:

Lucas 9:5

Ma'tti pañañe in'jan'fambisi tse'ttie sombo'ta tsu'ttenga ancamba totopa'ma fanttundu'faja tise'pa egae tson'choma canjaeñe.

Lucas 9:56

Sefaccone Ji'cho A'i gi jimbi a'ima fitti'ttiye. Tsa'ma a'ima ccushaeñe gi ji. Qquen supa faesu canqqueni ja'fa.

Tson'fa'cho 16:39

ji'fa Pablo, Silasma afapa ñoquiañe. Tsa'caen ñoquiañe afapa somboemba su'fa cuintsu canqque'ye sombopa ccani ja'faye.