Lucas 23:35 - Cofán: Chiga Tevaen'jen

³⁵ Aindeccuja can ccutsu'fa. Toya'caen nasundeccuja tisema afase'fa qquen supa: —Tiseja faesuma ccushaen. Cuintsu faesuma ccushaenqquia'caeñi tisuma'qque tsa'caen ccushaenjan. Tiseja ñoa'me Chiga in'jan'cho Cristota tsa'caen tsu canjaeña'cho.

Lucas 23:35 ပူးပေါင်းရင်းမြစ်များ

Salmos 22:17

Pa'cco ña tsu'ttama gi agattoye osha. Anttembe'yi ñama chigasundeccuja can ccutsu'fa.

Salmos 69:26

Nane que majama ñoquimbiansi tsendeccuja tsama mandian'fa. Que majama iñetsse iñaccaensi tsendeccuja feña'fa.

Isaías 42:1

“Va'tti tsu ñama shondo'su. Ñajan tisema ñambeve attufaemba angacamba quiñaen. Nane tisei'ccu gi avujatssi. Ña qquendya'pai'ccu tisema in'jaensi tsu poi ande'su aindeccuma ñotsse mandaya.

Isaías 53:3

Nane a'ija tisema chi'gapa cati'fa. Ñombi'ye'su a'i tsu. Nane vanañe atesu'cho tsu. A'tuqquia'caen gi tisema panshan'fa. Barembi tsu qquen in'jamba gi tisema chi'ga'fa.

Zacarías 12:10

“Toya'caen gi Jerusaléni can'jensundeccu, David omba'su dutssiyendeccunga'qque cuna qquendya'pama moeña cuintsu ñotsse in'jamba ñanga iñajan'faye. Tsa'caen tsonsi tsu tise'panga quiccuye'choma atte'faya. Tisema attepa tsu i'na'faya du'shu fae'ccoa pasi i'naqquia'caen. Nane aisheve isu'cho dutssi'ye pasi i'naqquia'caen tsu ñombi'yepa i'na'faya.”

Mateo 12:18

Vaja ñambe sema'su. Tisema gi ttu'se. Tisema in'jamba tsa'caen ttu'sepa gi avujatssi. Ña Qquendya'pai'ccu gi tisema in'jaeña cuintsu tiseja poi ande'su aindeccunga ña ccushaen'choma condaye.

Mateo 3:17

Sefaccone aya'fa'qque afapa qquen su: —Vaja ña in'jan'cho Dutssi'ye tsu. Ñoa'me gi tisema ñotsse in'jan.

Lucas 16:14

Fariseondeccuja tsain'bitssi corifin'dive in'jañe atesuchopa Jesús su'choma pañamba tisema feña'jen'fa.

Lucas 23:13

Tsomba tse'i Pilatoja Chigama afa'su nasundeccuma, israe'su nasundeccuma, poiyi'cco a'ima'qque ttu'se boñamba

Lucas 23:39

Fa'e egae tsincon'su Jesúsi'ccu pporotsse avuja'cconga otiye'choja Jesúsma afasepa su: —¡Queja ñoa'me Cristota Tisuma ccushaemba ingima'qque ccushaenjan!

1 Pedro 2:4

Na'sunga catse'faja. Tiseja cansia patiaca'on tsu. A'ija tisema chi'ga'fa. Tsa'ma tisenejan ñoa'me ñotsse attiansi Chigaja tisema in'jamba isu.