Lucas 23:2 - Cofán: Chiga Tevaen'jen

² Jesús ma'caen tsincon'choma condaseye ashaemba su'fa: —Ingija va a'ima attepa gi indi'fa. Tiseja ingi aindeccuma afopoemba atesian'jen. Ingima tsu se'pi Na'su César iñajan'cho impuestoma afeye. Tiseja Cristo qquen tsu su, ande na'su qquen su'cho.

Lucas 23:2 ပူးပေါင်းရင်းမြစ်များ

1 Reyes 18:17

Acabja tisema attepa su: —¿Que ti qui ji, tsa Israel ande'suma noñangian'su?

Jeremías 38:4

Tsonsi Jeremíasma pañasundeccuja na'su Sedequíasnga su'fa: —Va a'imajan fi'ttiya'cho. Nane tise aya'fai'ccu tsu va canqqueni toya canjen'su sundarondeccumbe injama'choma chapiamba aindeccumbe injama'choma'qque chapian'jen. Ingima fuitembipa aqquia daño'su tsu.

Amós 7:10

Betelni'su Chigama afa'su, Amasíasja, manda Israel ande na'su Jeroboamnga cuintsu qquen condaye: “Amósja Israel aindeccuma in'jaen cuintsu fae'ngae ñoñamba Que Ti'tsse'tssiama daño'faye. Ñotssimbi tsu tise toyayi afa'jepa va andesundeccuma tsa'caen ccaningae in'jaeñe.

Mateo 17:27

Tsa'ma in'jambi gi majameñi'qque iyiccoeñe. Marni japa pacoma simbaja. Asi'ta aya'fama shariamba qui corifin'dima atteya. Tsama isupa isusundeccunga japa afeja. Tsai'ccu qui ñane, quene'qque shacan'choma afepoeñe osha.

Mateo 22:21

Qquen iñajampañasi tsu su'fa: —Na'su Césarmbe tsu. Tsonsi Jesús su: —Tsa'caenda Césarmbemajan Césarnga afe'faja. Toya'caen Chigambemajan Chiganga afe'faja.

Mateo 27:11

Jesúsma governarornga anga'fasi Pilatoja Jesúsma iñajampaña: —¿Que ti qui israendeccu na'su? Jesúsja su: —Que suqquia'can tsu.

Marcos 12:17

Tsonsi Jesúsja su: —Tsa'caenda Césarmbemajan Césarnga afe'faja. Toya'caen Chigambemajan Chiganga afe'faja.

Marcos 15:2

Tsonsi Pilatoja Jesúsma iñajampaña: —¿Que ti qui israendeccu na'su? Tsonsi Jesúsja su: —Que suqquia'caen tsu.

Lucas 23:14

su: —Tiseja aindeccuma quejeccoen'su qquen supa qui va a'ima ñanga i'fa. Que'i caña'jen'ni gi tisema iñajampaña'ma que'i suqquia'caen egae tsincon'chove attembi.

Lucas 23:5

Tsa'ma tise'paja ti'tsse iyicca'yepa qquen su'fa: —Tiseja poiyi'cco Judea aindeccuma qquejeccoen'su tsu. Nane Galileani atesiañe ashaemba ja'ñojan va canqqueni'qque tsa'caen atesian'jen.

Juan 18:29

Tsa'camba ca'ni'fambisi governaror Pilatoja tise'pai'ccu afaye sombopa, qquen iñajampaña: —¿Jongoesu shacane qui va a'imajan i'fa?

Juan 18:30

Tise'paja su'fa: —Egae tsincon'biecan'da quengaja i'fa'yambi gi.

Juan 19:12

Tsa'caen susi Pilatoja ma'caen Jesúsma ccupaya'chove tta'tta. Tsa'ma israendeccuja quia'me su'fa: —¡Tsama ccupa'ta Romano Na'su César amigoya'bi qui! ¡Majan na'suve daye in'jan'da Romano Na'su César chi'ga'choya tsu!

Tson'fa'cho 24:13

Ñoa'me tsu vandeccuja aqquia aya'fai'ccu afa'fa. Ña jongoesuve egae tsincon'choma attiañe osha'fambi.

Tson'fa'cho 24:5

Va a'i tsu ñoa'me paqque'sia'caen ingima noñangian'su. Poi andeni mani israendeccu can'jen'fa'ni'qque tseni tiseja ccaningae atesiañe noñangian'jen. Tise'qque tsu Nasareno in'jan'chondeccumbe na'su.

Romanos 13:7

Nane pa'cco govierno impuestoma afepoen'faja. Govierno a'ima'qque ñotsse in'jamba paña'faja.