Lucas 22:36 - Cofán: Chiga Tevaen'jen

³⁶ Tsonsi Jesúsja su: —Tsa'caen tayoe mandapa gi ja'ñojan que'ima conda: Majan bosapa'ta tsama angaya'cho. O'vama'qque tsa'caen. Majan a'i sundaro matichive mechota bove ñotssi tsa tise omba'su ondiccu'jema chavaemba sundaro matichima chavaye.

Lucas 22:36 ပူးပေါင်းရင်းမြစ်များ

Mateo 10:10

O'vama'qque andu'fajama. Ni faesu ondiccu'je, ni faesu sapato, ni faesu jacan'cho accuicco'choma anga'fajama. Nane sema'su sema'ninda tsu tsa fuiteye'su ccane'qque tisema fuitepa o'fiaña.

Lucas 22:35

Tsomba Jesús poiyi'ccoma iñajampaña: —Ña que'ima bosa ni o'va ni sapatove'qque me'ccoe manda moe'ninda ¿jongoesu tsu shaca? Tise'paja su'fa: —Me'i, shaca'fambi.

Lucas 22:37

Ñoa'me gi su: Va Chiga Tevaen'jen ñane su'choja ja'ño tsu napi: “Egae tsinconsundeccui'ccu tisema in'jan'fa.” Pa'cco ñane tevaen'cho tsu junde napiya'cho.

Lucas 22:38

Tise'paja su'fa: —Na'su, que canjan. Vani gi an'bian'fa dos sundaro matichima. Jesúsja camba su: —Nanitssi tsu.

Juan 15:20

Ñotsse in'jan'faja ña que'inga su'choma: “Sema'suja tise na'suma ti'tsse'tssimbi tsu.” Ñama chi'gapa vananaen'da, tsa'caen tsu que'ima'qque chi'gapa vananaen'faya. Ña su'choma paña'da, tsa'caen tsu que'i su'choma'qque paña'faya.

Juan 16:33

Vamanda gi conda que'i ñame in'jamba opatsse canse'faye. Va andeninda qui me'detsse canse'faya. Tsa'ma avuja'faja. Ñajan va andeni jincho'choma tayo patsu.

1 Tesalónica'su 3:4

Ñoa'me ingija toya que'i'ccu can'jemba gi conda'fa que'i vanaña'chone. Tsa'cansi qui ja'ñojan atesu'fa.

1 Pedro 4:1

Cristo tise ai'voi'ccu ingine vana'choma injan'jemba tsu vanae'nijan tisia'caen dyombi'tsse vanañe qquen in'jan'faya'cho. Nane majan ai'voi'ccu vana'jen'da egae tsincon'choma tsu tayo antte'fa.